G—NEWS (INTERNASIONÁL) — Sidadaun Timor Leste na’in rua, Agustino de Oliveira (20) no Nivio Oliveira (9), ne’ebé antes ne’e relata lakon hafoin laloran lori tiha iha tasi parte Kupang, Nusa Tenggara Leste (NTT), ikusmai hetan ho seguru.
Informasaun ne’e públika iha mídia online Kompas.com, iha loron 17 fulan-Janeiru tinan 2025, ne’ebé G-NEWS asesu.
“Antes ne’e hetan husi ekipa SAR husi Indonézia no Timor Leste,” dehan Xefe Relasaun Komunitária Provinsia NTT, Komisáriu Polísia Henry Novika Chandra ba Kompas.com, Sesta (17/1/2025) kalan.
Bainhira hetan sira, Hendry kontinua, Agustino ho Nivio nia kondisaun fíziku fraku no laiha kbi’it, tanba ne’e sira evakua kedas ba ospitál ne’ebé besik liu hodi hetan tratamentu intensivu.
“Sira na’in rua hetan ona tratamentu médiku hodi rekupera sira nia kondisaun,” nia dehan.
Familia Agustino ho Nivio hakarak agradese ba parte hotu-hotu ne’ebe involve iha buska ne’e, liu-liu ba ekipa SAR Indonézia no polisia Indonézia ne’ebe fo ona apoiu tomak. Xefe ekipa SAR Indonézia ne’e mós hato’o apresiasaun ba kooperasaun di’ak entre nasaun rua iha operasaun ne’e.
Kooperasaun entre ofisiál SAR sira hosi nasaun rua ne’e prova importánsia hosi solidariedade hodi hasoru situasaun emerjénsia sira iha tasi internasionál sira. Ho deskoberta hosi vítima na’in rua, operasaun ofisiál peskiza nian kansela tiha.
“Vítima na’in rua ne’e agora dadaun iha hela prosesu rekuperasaun no tempu badak sei fila ba sira nia familia iha Timor Leste,” nia dehan.
“Kona-ba akontesimentu ne’e, ami husu importánsia seguransa no vijilánsia ba peskadór sira ne’ebé tun ba tasi iha bee ne’ebé prontu ba laloran maka’as hanesan Tasi Timor. Polísia Nasionál mós fornese edukasaun no ekipamentu seguransa nian ba peskadór sira iha área refere hodi prevene insidente sira ne’ebé hanesan, ” dehan Hendry.
Antes Ne’e, sidadaun na’in rua ne’e husi munisípiu Liquisa, Timor Leste. sira na’in rua lakon iha tasi Amfoang, munisípiu Kupang, Nusa Tenggara Leste (NTT). Sidadaun Timor Leste na’in rua ne’e mak Agustino de Oliveira (20) no Nivio Oliveira (9).
Komandante Polísia Amfoang (Kapolsek), Inspetór Polísia Ida (Iptu) I Nyoman Sarjana, hatete katak peskadór na’in-rua ne’e lakon iha loron-kuarta (15/1/2025).
Nyoman esplika katak, hafoin simu relatóriu, ofisiál lubuk ida hosi Polísia North Amfoang hamutuk ho peskadór lokál sira buka peskadór na’in rua ne’e.
“Buska ne’e mós ohin hala’o, maibé seidauk hetan,” dehan Nyoman ba jornalista sira, kinta (16/1/2025).
Tuir informasaun husi familia, kontinua Nyoman, Agustino ho Nivio de Oliveira tun ba tasi hodi buka ikan iha tasi Oepoli, Rejensia Kupang iha Tersa (14/1/2025) lorokraik.
Fontes : Kompas.com
Tradutor : Amito Qonusere Araújo
loading="lazy" />