G-NEWS (DILI) – Sekretáriu Estadu Formasaun Profesionál no Empregu (SEFOPE), asina ona deklarasaun ho traballador timoroan na’in-72 ne’ebé mak sei desloka ba Australia hodi hala’o servisu iha empreza sira iha área oi-oin.
Asina deklarasaun ne’e, hala’o iha salaun SEFOPE Caicoli, Dili, iha Segunda (03062024) iha Salaun SEFOPE Caicoli.
Diretór Nasionál Empregu no Estranjeiru João Correira Pereira, informa ba jornalista sira hafoin remata serimónia asina deklarasaun ne’e.
“Realiza asina deklarasaun ne’e ho ita nia maluk traballador sira 72 pessoas. Ida ne’e hanesan kustume SEFOPE nian bainhira atu husik ita nia traballador sir aba servisu iha Australia, Korea, tantu Japaun”, Diretór Nasionál Empregu no Estranjeiru João Correira Pereira.
SEFOPE taka sai ona lista kandidatura traballador PALM Australia
Tuir Diretór ne’e katak, antes traballador Timoroan sir aba servisu iha rai-liur, liu-liu Australia, Korea no Japaun, sempre iha komprimisu entre traballador, família no governu.
“Ita sempre hahú ho asina deklarasaun ne’ebé sei kesi entre família, governu no mós traballador rasik”.=
“Tuir dadus, ita iha empreza 6. Empreza-6 ne’e mak fó servisu ba sira, maiória sira ne’e re-entry hotu, iha foun na’in-6 de’it, entaun long term, sira ne’ebé servisu tempu naruk iha na’in-4 de’it ba servisu iha ne’ebá”, João Correira Pereira konfirma.
Rezultadu teste vaga online Australia sei públika iha fulan-Juñu
Antes ne’e, Sekretáriu Estadu Formasaun Professional no Empregu (SEFOPE), sei anúnsia ba públiku kona-ba rezultadu teste vaga online Australia nian, iha fulan juñu tinan ne’e.
Komprimisu ne’e, hato’o hosi Sekretáriu Estadu Formasaun Profesionál no Empregu (SEFOPE) Rogerio Araújo Mendonça, ba jornalista sira, hafoin lansa serimónia formasaun traballador, iha ótel Timor, tersa-feira (14052024).
Sekretáriu Estadu ne’e esplika, SEFOPE sei servisu hamutuk ho governu Australia, liuhosi departamentu Departamentu Relasaun Exterior no Komérsiu (DFAT – Department of Foreign Affairs and Trade_singla Inglesh) hodi halo anúnsia ofisial tuir kalendáriu ne’ebé iha.
Eis Jornalista sai traballador iha Korea “osan balun halo lia”
“Kona-ba vaga online, ami hatete ona katak, ami nia ekipa sei servisu hamutuk ho DEFAT liuhosi PLF nune’e sei públika sai rezultadu ne’e iha fulan Juñu tinan ne’e”.
Hosi traballador hirak ne’e, balun hein to’o tinan sanolu resin. Traballador sira balun informa ba G-News katak, ida ne’e hanesan oportunidade di’ak ba sira atu servisu iha Australia nu’udar traballador.
Serimónia asina deklarasaun ne’e, partisipa mós hosi família traballador sira.
Editór Testu : Amito Qonusere Araújo
loading="lazy" />