G-NEWS (RAEOA) — Unidade Patrullamentu Fronteira (UPF) hosi Kompañia Carly -UPF Oeneno-Bobometo-Oesilo Oecusse kaptura sidadaun timoroan na’in 19 kompostu mane na’in-18 no feto na’in-1, ne’ebé tenta atu hakat liu liña fronteira entre Indonézia ho Timor Leste, liuhosi ho illegal, hafoin fila hosi Kupaun, Indonézia.
Operasaun hosi Polísia Unidade Patrullamentu Fronteira (UPF), hodi kaptura sidadaun hirak ne’e iha kinta-feira (18072024).
Kapturasaun ne’e akontese liuhosi operasaun UPF nian iha liña fronteira, tanba sidadaun hirak ne’ebé kruza fronteira ilegál, ne’ebé foin fila hosi serimónia graduasaun nu’udar membru Organizasaun Arte Marsiais Persaudaraan Setia Hati Terate (PSHT) iha Kupaun, Indonézia.
Sidadaun hirak ne’e, Polísia asegura ona, hodi kontinua entrega ba Ministériu Públiku hodi prosesa tuir lei ne’ebé iha.
Autoridade seguransa mós alega sira ho envolvimentu iha atividade kontra ordenasaun territórial, no rezolusaun Governu nian ne’ebé suspende ona prátika arte marsiais no rituais.
Tuir dadus ne’ebé G-NEWS simu hosi fontes konfiável, iha sesta-feira (19072024) ne’e katak, tuir báze júridiku ho rezolusaun Governu nian kona-ba suspensaun no pratika atividade arte marsial, no identifikasaun Polisial ba sidadaun sira, rienxe autos partisipasaun atravesa servisu Polisial tuir lei haruka.
Báze seluk mós, autoridade polísial sei halo edukasaun Sivika ba des-obediente sira atu kumpriende lei sira no regulamentu Timor Leste nian.
Autoridade polísia apela ba sidadaun sira ne’ebé domisiliariu iha fronteira, ho pessoalmente ka koletiva fasilita ilegalmente kualker sidadaun, la hatudu domin ba nia rain, sei sai sujeitu ba proseuais.
Tanba ne’e, ho konsientamente katak, fasilita ema ho dalan illegal ne’e perigu ba parte rua hotu.
Editór Testu : Amito Qonusere Araújo
loading="lazy" />