G—NEWS (BAUCAU) —Insendiu ne’e akontese iha loron 15 fulan-Juñu tinan ne’e, mais ou menus tuku ida ho balun meudia, ahi han motuk uma hela fatin no armagem ida iha aldeia Dara-Oma Suku Laisorulai de Baixo Postu Administrativo Matebian Munisipiu Baucau, rejulta sasan uma laran labele salva tanba dook husi uma Komunidade.
Relasiona ho akontesementu ne’e, Xefe Suku Laisorulai de Baixo Julio Farkhus Pinto relata ona dadus ba iha autoridade Munisipiu Baucau no Parte Autoridade Protesaun Civil, hodi aselera prosesu apoio emergensia.
“Motivu ahi han uma ne’e, bainhira katuas sunu hela ahi iha uma laran, nia ba tia toos hela ahi han motuk tiha nia uma labele salva tamba uma dook husi komunidade sira bainhira komunidade sira to’o labele salva sasan uma laran inklui osan US 1.700, maibe relatoriu hau aprejenta ona ba autoridade munisipiu Baucau no APC hodi apoio emergensia ba Vitima “, dehan Xefe suku Laisorulai Julio Pinto ba jornalista sira iha Resintu Administrasaun Munisipiu Baucau Segunda feira (16/06/2025).
Entertantu Komandante Operasaun Protesaun Civil munisipiu Baucau Fransisco Viana Freitas hateten, ekipa Autoridade Protesaun Civil to’o ona iha tereinu, hodi halo asesmentu no rekolla dadus hodi apoio emergensia ba Vitima.
“Ligadu insendiu ne’ebe akontese Quelicai Matebian, horseik meudia ami simu informasaun i ami mos kordena kedas horseik loraik hodi ami nia ekipa aranka kedas ba fatin akontesementu no ohin dadersan ba fali hodi identifika ahi ne’e mai husi ne’ebe atu hatene motive akontesementu ahi han uma ne’e, automatikamente bailoron ne’e sempre akontese maibe ami ekipa iha ona fatin halo hela asesmentu no apoio emergensia ba vitima”, haktuir Komandante APC
Uma ne’ebe ahi han ne’e pertense ba vitima Agustinho Gomes, ne’ebe dadaun ne’e evakua ona ba iha familia nia uma.
loading="lazy" />