G-NEWS (MANUFAHI) – Ai monu hanesan uma komunidade Orlando da Costa, tanba kauza hosi anin boot ne’ebé akontese durante loron rua entre kinta-feira to’o sexta-feira (25-26 fulan Janeir) tinan ne’e.
Vítima Pasquela Dias Babo relata ba Sentru Informasaun Suku Rotutu, ne’ebé G-News asesu katak, insidente ne’e akontese iha tuku 2 kalan ka sexta dader, tanba kauza hosi anin boot iha semana ida ne’e.
“aí Lele hun ne’e tohar, baku ona sira nia uma ona mak nia ho nia oan nain hat hakfodak Loke odamatan, hodi halai sai husi uma ne’e, ba toba iha família nia uma”, haktuir Pasquela.
Akontesimentu ne’e estraga uma, ekipamentu dapur nian hanesan sanan no bikan, maibé la rejulta ema kanek.
Ekipa Bomberos koa ona, no foti ona dukumentasaun, hodi kanaliza ba Autoridade Protesaun Civil (APC ) munisípiu Manufahi, no kontinua relata ba Ministériu Solidariedade Sosial munisípal hodi bele hetan apoiu ba família vítima sira.
“Orseik ekipa APC liuhosi Bomberos mak foti dukumentasaun, no lorokraik liga ba iha asaun sosiál no sira dehan, parese ohin mak foin fó apoiu emerjênsia ba vítima sira maibé ohin sira fó ka lae, Ha’u mós la Hatene ona Tanba ha’u iha hela Rotuto”, haktuir vítima ne’e haktuir tán.
Akontesimentu ne’e akontese iha loron 25 no 26 Janeiro 2024 iha bairo Rusata, aldeia Kotalala, Suku Letefoho Same munisípiu Manufahi.
Jornalista : Ekipa G-News, Sentru Informasaun Suku Rotutu
Editór Testu : Amito Qonusere Araújo
loading="lazy" />