G-NEWS (DILI) — Santo Padre Francisco nia mensagem “Foinsae Sira Gosta Hakilar no halo Barulho” sai hanesan tema reflexão ba jovem atus hat (400) resin nebe mai hosi Paróquia Hera inclui estudante Politécnica besik atus rua (200) no mos hosi Paróquia vizinho ba comemoração memória 12 de Novembro massacre Santa Cruz iha nebe completa ona tinan 33.
Narrativa ne’e, públika iha pájina Arquidiocese Metropolitana Diocese Dili, iha kuarta-feira, loron 13 fulan-Outubru tinan 2024.
Atividades ne’e ho nia objetivo atu hafanun fali espírito jovem loron ohin nian oinsa bele moris tuir lolos sira nia obrigação hanesan jovem diak ida nebe bele aprende mos hosi espírito hosi asu-wain masakre Santa cruz nian.
Lema nebe foti hosi mensagem Santo Padre ba jovem sira iha CCD : “Foinsa’e sira gosta hakilar no halo barulho” hanesan pontu importante iha evento ida ne’e ajuda jovem sira hodi reflete didiak significado hosi hakilar ou barulho lori ba buat diak ou halikar no barulho ba buat nebe la dun diak.
Cidara sai hanesan fatin hodi comemora loron Juventude Nacional 12 Novembro ou Memória Massacre Santa Cruz ba dala tolu nulu resin tolu nebe hahu iha loron 11 lokraik too loron 12 fulan novembro lokraik, nebé halibur jovem sira hodi participa iha atividades oi-oin hanesan kalan reflexão, drama, jogo amizade, animação, ação caritativa, santa Misa e procissão hadulas Paróquia Hera, no taka ho kari aifunan iha Tasi Bedic.
Vigário Geral Arquidiocese de Dili Pe. Graciano Santos Barros iha nia mensagem ba jovem sira atu cria nafatin unidade no estuda didiak para aban bainrua bele sai ema. Tanba nee percisa susar uluk mak foin contenti, maibe realidade agora hatudu contrário katak barak mak hakarak contente uluk depois terus, dehan Vigário Geral.
Jovem sira sente haksolok no arrepende wainhira rona mensagem refere hosi orador sira. Maioria mak expressa sai sira nia sentimento. Hosi sira nia resposta nebe apresenta iha grupo boot hatudu katak maioria conflito iha Hera laran tomak mak menus unidade tamba envolve iha grupo arte marsiais oi-oin.
Sira mos sugere katak conflito nebé iha sei bele muda neneik wainhira hosi parte Igreja, kada congregações, Governo e inan-aman colabora hamutuk hodi cria nafatin atividades sira hanesan ne’e iha evento saida deit laos 12 de novembro mesak.
Convidados importante iha evento ida ne’e hanesan Vigário Geral Arquidiocese Dili nian, Amo Pároco ho Amo Vigário Hera nian, Materestu 12 Novembro nian, Bruder Nico, Autoridade e inan-aman no labarik sira hosi Cidara no Mota Quic rasik.
Husi: Me. Joana Soares SSpS
loading="lazy" />