G—NEWS (INTERNASIONÁL) — Gabinete Imprensa Santa Sé fó sai foto Pontífise iha orasaun hafoin konselebra Eukaristia ohin dadeer. Ne’e maka foto dahuluk dezde nia baixa iha ospitál iha loron 14 fulan-Fevereiru. Francisco nia kondisaun estavel nafatin, no tratamentu, inklui fisioterapia respiratóriu no motor, kontinua.
Ho kotuk-laran fila, iha nia kadeira-roda, hatais nia túnika no stole hafoin konselebra misa, hodi hateke ba krusifísiu iha altár kapela nian iha andár sanulu, iha-ne’ebé, dezde nia kondisaun hatudu melloria uitoan, Santu Padre reza loron-loron. Ida-ne’e maka foto dahuluk Papa Francisco nian dezde nia tama iha Poliklínika Gemelli iha loron 14 fulan-Fevereiru. Imajen ne’e fó sai iha kalan Domingu, 16 Marsu, hosi Gabinete Imprensa Santa Sé nian.
Loron balun liubá, jornalista oioin no ema barak seluk husu Pontífise nia foto. Imajen ikus sira maka hosi liu fulan ida liubá, bainhira, iha dadeer, molok tama, Francisco simu, iha Casa Santa Marta, membru sira hosi Fundasaun Española Gaudium et Spes. Desde entaun, laiha ema seluk se la’ós médiku sira ne’ebé responsavel ba nia tratamentu no nia kolaboradór sira ne’ebé besik liu maka hetan oportunidade atu haree nia. Nia lian ne’ebé kole bele rona iha áudiu husi 6 Marsu, ne’ebé fó sai durante Rozáriu iha Prasa S. Pedro, iha ne’ebé nia fó bensaun ba sarani sira no agradese ba ema hotu ne’ebé reza ba nia durante períodu moras ne’e.
Ohin, sinál foun ida-ne’e kona-ba Fransisku nia “prezensa” to’o, iha momentu ida íntimu liu: orasaun. Tuir Gabinete Imprensa Santa Sé nian, Amu-Papa nia situasaun estavel nafatin. Ohin dadeer, nia konselebra misa domingu nian iha kapela iha nia kuartu nia sorin.
Nia kontinua ho tratamentu sira ne’ebé maka preskreve, inklui terapia respiratóriu no motor. Amu-Papa ohin la simu vizitante sira no pasa loron tomak hodi reza, deskansa no halo serbisu ruma.
Aban mós sei laiha boletin médiku. Sala Imprensa sei fó informasaun jerál balun ba jornalista sira iha kalan.
loading="lazy" />