G-NEWS (ERMERA) — Relasiona ho Mudansa Klimatika ne’ebé mak daudaun ne’e mundu enfrenta hela, Xefe suku Lauana Miguel Maia husu ba Ministériu Agrikultura Peskas, Pekuaria no Floresta atu kontinua apoiu halo halo rehabilitasaun ba plantasaun kafé ne’ebé mak daudaun tuan ona.
Miguel Maia hateten, bailoron naruk afeita ba bee maran no plantasaun moris la di’ak, liu-liu plantasaun kafé.
“Ami atu hatete katak, relasiona ho situasaun mudansa klimatika ne’ebé mak iha, atu husu para Ministériu agrikultura mós bele suporta Komunidade sira liu husi parte sira ne’ebé mak hanesan rehabilitasaun kafé, atu labele para de’it, maibé tenke kontínua atu nune’e komunidade sira bele kuidado fali sira nia plantasaun,”dehan nia Xefe Lauana Miguel Maia ba Jornalista sira iha Sede Suku Lauana(19/11).
Nia dehan, tanba ai-horis sira tuan no troka, depois dezevolvimentu balun mai, estraga ai horis barak.
“Entaun afeita ba ai han no produsaun komunidade sira nia, mihis ba beibeik, tanba ida ne’e mak ba futuru ami atu husu para governu bele apoiu agrikultura sira, liu husi rehabilitasaun, biberus atu bele apoiu ba komunidade sira nune’e sira bele kuda fali ai-horis ba plantasaun sira ne’ebé mak agora dadaun ai-horis, ne’ebé tuan hotu ona,”nia dehan.
Ekstensionista iha suku iha no sira ativu maibé atividade ka planu ne’ebé mak atu fó orietasaun hodi halo servisu ne’e mak la iha.
“Agora iha Pessoál ekstensionista sira ativu hela, maibé atividade kontínua atu sira halo ne’e mak la iha orietasaun mai husi diresaun sira, entaun loro-loron sira mai ami la halo buat ida, pele menus Ministériu, tenke kria plano ruma para sira servisu ekipa, atu nune’e plantasaun sira ne’ebé mak komunidade bele apresentasaun dehan ha’u nia plantasaun ne’e la di’ak’.
Entaun oinsá mak governu bele kria ekipa tékniku hanesan ekstensionista bele apoiu plantasaun sira ne’e, maibé la iha orietasaun husi Ministériu.
“Tanba ida ne’e mak iha tinan kotuk iha 2023 mosu ona, rehabilitasaun atravez kompañia ka Organizasaun balun hanesan ACTL maibé halo rehabilitasaun no hatan hela ba komunidade sira dehan ita boot sira bele halo rehabilita, ami halo pagamentu lori Osan povo nian, lori osan governu ne’ebé hanaran povo nia osan mai dehan ami selu ho 40%, i 60% depois tinan oin mai ita boot sira kontínua, hadia ita boot sira nia plantasaun depois ami selu fila fali.
“Hanesan Autoridade lokál mós mosu duvidas, osan ne’e hela iha ACTL ka sei iha governu tanba too agora ami seidauk bele hetan esklaresidu, se karik hetan esklaresidu hanesan Autoridade lokál tenke simu karta ruma, osan 60%, sei hela iha governu aloka ba iha kompañia nune’e atu bele selu ba komunidade agrikultor sira,”nia hatutan.
“Entaun ami sempre esplika bebeik katak la bele haree ba ida ne’eba maibé haree ba ita-nia produsaun nune’e bele aumenta oinsá atu bele aumenta”.
Entretantu suku Lauana iha aldeia 10 ho totál uma-kain hamutuk 991 kompostu husi mane 1989 no feto 1970.
Jornalista : Domingos Moreira
Editór Testu : Amito Qonusere Araújo
loading="lazy" />