G—NEWS (DILI) — Batik Air ofisialmente lansa ona servisu komersiál diretu foun ida ne’ebé liga Kuala Lumpur no Dili, kapitál Timor-Leste nian — hodi sai hanesan kompañia aérea Malázia dahuluk ne’ebé hala’o rota ida ne’e. Marku ida-ne’e destaka Batik Air nia esforsu sira ne’ebé la’o hela atu hasa’e konetividade rejionál no loke odamatan sira ba oportunidade viajen foun sira ne’ebé emosionante.
Batik Air ho orgullu fó sai kona-ba lansamentu voo komersiál diretu husi Kuala Lumpur ba Dili, kapitál Timor-Leste nian. Ida-ne’e halo Batik Air sai hanesan transportadór Malázia dahuluk ne’ebé serve rota ida-ne’e, hodi reforsa liután ninia kompromisu atu habelar konetividade rejionál no loke posibilidade viajen foun sira.
Hahú iha loron 6 fulan-Juñu tinan 2025, rota ne’ebé ema hotu hein sei hala’o dala rua iha semana ida, hodi oferese ba viajante sira odamatan ida ne’ebé laiha presedente ba destinu ida ne’ebé maka interesante liu iha Sudeste Aziátiku. Rota istóriku ne’e la’ós de’it hametin ligasaun diplomátiku no ekonómiku entre Malázia no Timor Leste maibé mós haburas oportunidade turizmu, komérsiu, no investimentu entre nasaun rua ne’e.
Xefe Ezekutivu Batik Air, Datuk Chandran Rama Muthy, afirma katak espansaun kompañia aérea nian ba Dili reprezenta avansu signifikativu ida iha viajen aéreu rejionál, fornese asesibilidade boot liu, haburas kreximentu ekonómiku, no hametin prezensa aviasaun Malázia nian iha Sudeste Aziátiku.
“Ami antisipa rota ida ne’e sei hasa’e asesibilidade ba Timor-Leste, oferese ba pasajeiru sira viajen ida ne’ebé diretu, livre husi problema ho durasaun voo maizumenus oras haat no 15 nesesidade ba parajen barak no fornese ligasaun ida ne’ebé lais liu, konveniente liu entre Malázia no Timor-Leste. sentru tránzitu estratéjiku iha rejiaun,” nia hatete.
Nia hatutan tan katak espansaun ida-ne’e aliña ho vizaun Batik Air nian hodi liga destinu emerjente sira no hein atu hasa’e kolaborasaun negósiu, interkámbiu edukasionál sira, no interasaun kulturál sira entre nasaun rua ne’e.
“Ami haksolok tebes atu fornese esperiénsia viajen ida ne’ebé la iha problema no konfortavel, hodi permite viajante barak liután atu deskobre patrimóniu riku, paizajen furak sira, no ospitalidade ne’ebé manas husi Timor-Leste.Servisu ida-ne’e mós fornese ba povu timoroan asesu boot liután ba rejiaun ne’e no liután, liuliu haree ba opsaun transportadór limitadu ne’ebé disponivel daudaun,” nia hateten.
Liuhusi Kuala Lumpur, pasajeiru sira bele liga ho fasil ba destinu liu 60 iha nasaun 20, inklui sidade xave sira iha ASEAN, Xina, Ázia Norte, Subkontinente Índia, Médiu Oriente, no Ázia Sentrál.
Dili, perla ida ne’ebé seidauk deskobre iha Sudeste Aziátiku, oferese eskapamentu exótiku ida ne’ebé riku ho patrimóniu koloniál portugés, beleza naturál ne’ebé furak tebes, no tapete kulturál ida ne’ebé distintivu. Lokaliza iha tasi-ibun ne’ebé moos iha Tasi Timor, destinu ne’ebé ladún ema la’o barak ne’e kapta vizitante sira ho nia tasi-ibun sira ne’ebé la estraga, fatin sira mergulhu nian ho klase mundiál ne’ebé nakonu ho moris tasi nian, no paizajen foho nian ne’ebé hein atu esplora.
Aleinde nia atrasaun seníku, Dili hanesan odamatan ida ba Timor-Leste nia tradisaun vibrante sira, ospitalidade ne’ebé manas, no fuzaun úniku hosi influénsia sira Ázia no Europa nian. Ho Batik Air nia voo diretu sira, aventureiru sira, viajante negósiu sira, no entusiasta kulturál sira agora bele esperiénsia destinu ne’ebé raru no enkantante ida-ne’e ho fasilidade no konfortu ne’ebé boot liu.
Servisu foun ida-ne’e Kuala Lumpur-Dili sei opera hosi Batik Air B737, oferese tarifa oioin ho marka ne’ebé adapta ba nesesidade viajen oioin, hodi garante katak pasajeiru sira goza valór no konveniénsia ótimu, tantu sira fó prioridade ba bagajen, han iha aviaun laran, ka planu viajen ne’ebé fleksivel. Bilhete sira agora disponivel atu halo rezerva.
loading="lazy" />