Delio: Luta Boxe la para iha adversidade nia leet

banner 120x600
328 Views

G-NEWS (DILI) — “Hau nia preparasaun di’ak. Físiku di’ak ona, hein tama tékniku, no ha’u nia problema mak la par atu sparing. Hau la hatene Hau nia falla, maibé Hau forsa to’o. Durante ha’u sparing maibé ha’u la loke hotu nia forsa tanba sparing ho alin sira ne’ebé kilu kiik.” Liafuan hirak ne’e sai husi boxista Timor Leste ida nia ibun Delio Anzazequi Mouzinho, ne’ebé prepara an ona atu hakat ba ring iha Indonézia, hasoru nia adversáriu Alisher, iha loron 9 fulan-Fevereiru tinan 2025.

Nia koʼalia ho laran-metin ba G-NEWS katak, maski susar neʼebé nia hasoru la kmaan. Ba nia, preparasaun fíziku no mentál maka xave sira atu hetan vitória. Maibé, la’ós aspetu tékniku de’it mak halo prontu. Iha paixaun no determinasaun boot ne’ebé kontinua dudu nia ba oin.

banner 325x300

Sparring, prátika sparring ne’ebé maka halo parte iha nia rutina, sai hanesan arena ne’ebé nia koko nia abilidade sira. “Durante sparring, ha’u la uza ha’u nia forsa tomak tanba ha’u halo sparring ho alin ida ne’ebé todan ki’ik liu,”nia esplika ba G-NEWS, sesta-feira (17012025).

 Maibé, Delio nafatin optimista no fiar-an katak, maski iha falta sira iha sparring, ida-ne’e la’ós obstákulu boot ida. “Ami iha difikuldade, ami nia formasaun maka’as, ami gasta enerjia barak, maibé ami tenke hadi’a fali enerjia ne’ebé aat,” nia akresenta. Fasilidade no kondisaun limitadu sira ne’ebé la sempre fó apoiu sai duni dezafiu ida iha sira-nia an rasik. Maibé, nia sempre koko atu hasoru ida-ne’e ho espíritu luta nian ne’ebé la kolen.

Iha difikuldade ekonómika nia leet, joven boxista timoroan barak maka luta lahó apoiu adekuadu. Dalabarak ami la iha finanseiru hahan ne’ebé maka ami han, ami la sente hanesan nasaun sira seluk, maibé ne’e la hamate ami nia espíritu, maibé ami nafatin lori ita nia rai doben Timor-Leste ba mundo liu-liu iha modalidade boxing”” nia hatete, hodi deskreve realidade ne’ebé maka moruk tebes.

Maski la hetan tulun husi governu, nia sente sorte tanba iha kompañia ida ne’ebé sempre fó apoiu ba sira, mak hanesan Caltech. “Laiha apoiu governu nian, maibé Caltech sempre apoia ami,” nia hatete ho agradesimentu.

Forsa interiór no fiar-an maka fonte enerjia ne’ebé labele troka ba boxista ida-ne’e. Hau fiar katak, Hau nia treinamentu, no Hau nia kultura, Maromak, buat ne’ebé mak ami esforsu sei iha rezultadu ne’ebé di’ak”.

Ba nia, luta hotu-hotu tenke iha rezultadu, maski rezultadu la’ós sempre vitória instantánea. Hau fiar Ha’u nia an katak, iha ne’ebé ita nia hakarak tenke manan, se ita lakon, nusa mak ita gasta tempu ba ida ne’ebá. Ema mós hakarak manan, ita mós hakarak  manan, ne’e maka kompetisaun. Iha kompetisaun nia laran, ida tenke manan no ida lakon ka trou. nia hatutan, hodi afirma katak kompetisaun maka parte ida moris nian ne’ebé tenke hasoru.

Iha konversa nia rohan, nia fó hanoin ba jerasaun foin-sa’e sira, tantu iha Timor Leste no rai-li’ur, atu nunka rende hodi buka tuir sira nia mehi. “Ha’u husu ba joven foin sae Timor laran tomak, no mós ba rai liur hotu, Hau hakuak boot ba Imi hotu, Se la luta ba buat ne’ebé maka ó hakarak, keta tanis ba buat ne’ebé mak ó hakarak”. Mensajen ida ne’ebé fó hanoin mai ita katak luta ne’e prosesu ida ne’ebé presiza perseveransa no korajen atu koko nafatin maski obstákulu hotu mosu mai ita.

Espíritu luta ne’ebé hatudu husi boxista ne’e la’ós de’it ba nia an rasik, maibé mós ba nia rai-doben, Timor Leste. Maski hasoru limitasaun barak, Delio Mouzinho nunka rende an. Tuir loloos, defisiénsia hotu-hotu ne’ebé maka iha hametin liután sira nia determinasaun atu halo sira nia nasaun no nasaun orgullu liuhosi desportu boxe.

Editór Testu: Amito Qonusere Araújo

relavante