G—NEWS (DILI) — Prezidente Konfederasaun Futeból Aziátiku (AFC), Shaikh Salman bin Ebrahim Al Khalifa, fó parabéns ba Nilton Telmo Gusmão Dos Santos ba ninia re-eleisaun nu’udar Prezidente Federasaun Futeból Timor-Leste (FFTL) ba mandatu 2026–2030.
Iha nia deklarasaun, Shaikh Salman hato’o nia apresiasaun ba konfiansa re-eleitu ne’ebé fó ba Nilton Telmo Gusmão Dos Santos hodi lidera futeból Timor-Leste. Nia avalia katak lideransa ne’e reflete estabilidade no kompromisu maka’as ba dezenvolvimentu futeból nasionál.
Prezidente AFC ne’e mós hato’o otimizmu ba futuru futeból Timor-Leste iha lideransa prezidente eleitu nian. Nia haktuir katak kontinuidade lideransa iha FFTL hein atu dudu progresu sustentavel, tantu iha dezenvolvimentu jogadór juventude, no hadi’a kompetisaun doméstika.
“AFC prontu atu kontinua serbisu ho no fó apoiu ba FFTL iha ninia esforsu sira hodi avansa futeból iha Timor-Leste no garante ninia kontribuisaun pozitivu ba dezenvolvimentu futeból aziátiku tomak”, tenik Shaikh Salman, liuhosi komunikadu imprensa.
Re-eleisaun Nilton Telmo Gusmão Dos Santos hein katak sei sai hanesan momentum ne’ebé importante hodi hametin baze futeból Timor-Leste nian no hasa’e nia kompetitividade iha nível rejionál no internasionál.
loading="lazy" />