G-NEWS (DILI) – Relasiona ho konflitus ne’ebé kontinua akontese iha parte leste, ne’ebé afeta ba seguransa hakmatek populasaun sira nian, iha âmbitu eleisaun autoridade komunitária, ne’ebé akontese iha sexta-feira (28102023) foin lalais ne’e, iha ne’ebé ataka malu, tuda malu ne’ebé rejulta sidadaun balun kanek.
Tanba ne’e, deputadu hosi Bankada CNRT Patrocínio Fernandes dos Reis, liuhosi nia intervensaun polítika iha Parlamentu Nasionál, tersa-feira (21102023) hateten, sira nia parte simu informasaun hosi sidadaun sira balun kona-ba asuntu seguransa iha parte leste, ne’ebé iha risku tebes ba komunidade sira.
“Bain-bain asuntu seguransa ne’e risku teb-tebes iha mumentu sira hanesan ne’e. Ita hetan informasaun katak komesa iha parte lorosa’e nian ne’ebá ne’e, sira aproveita situasaun ida movimentu hosi Dili atu ba foho, sira komesa organiza malu, taka dalan, hein malu, halo check point, fora de trânzitu ninian, sira ne’e hotu, ne’e preokupasaun tama mai”, nia haktuir.
Tanba ne’e, deputadu CNRT Patricínio ne’e husu ba Governu atu tau atensaun didi’ak ba ida ne’e, entermus seguransa, oinsa mak Polísia sira bele tau atensaun di’ak par redus oi’tuan risku ema nia vida atu komemora loron boot ne’e.
Hatan ba ne’e, Vise Ministru ba asuntu Parlamentares Aderito Hugo katak, nia parte sei inform aba Ministru Interior atu tau atensaun kona-ba ne’e.
Tuir dadus ne’ebé G-News asesu, iha sidadaun balun ne’ebé hala’o komunikasaun liuhosi sosial mídia Whatsupp, hodi fó informasaun ba malu ho organiza atu halo passa revista iha dalan públiku sira, liu-liu atu fó sinál ba malu nu’udar kolega.
Jornalista : Ekipa G-News
Editór Testu : Amito Qonusere Araújo
loading="lazy" />