G-NEWS (INTERNASIONAL) – Komandu Polísia munisípiu Belu, Timor Osidental Indonézia kaptura sidadaun Timoroan na’in-3, hosi Rejiaun Administrativa Espesial Oecusse Ambeno (RAEOA) tanba lori fiu cobre ho kilograma 150 (Tembaga_sigla Indonézia) hodi faan la ho dokumentu ofisial. Sidadaun Timoroan na’in-3 ne’e asegura ona iha Suku Jenilu, postu Kakuluk Mesak munisípiu Belu, Timor Osidental (NTT).
“Ya, iha sidadaun na’in-3 mak lori fiu cobre ho kilograma 150 la ho dokumentu ofisial”, Komandante Polísia Belu AKBP Richo Nataldo Devallas Simanjuntak, liuhosi Relasaun Públika Belu AKP I Ketut Karnawa, Segunda-feira (23102023).
Sidadaun estranjeiru hosi Timor Leste hanesan Mateus Kolo (tinan 20), Rudolfo Inaçio da Costa (tinan 26) no Jubelino Kolo (tinan 21). Sira hetan kapturasaun bainhira ho kareta ho marka Pikap ho númeru Polísia DH 8058 DL, iha sábadu (21102023).
Bainhira autoridade seguransa Indonézia nian halo identifikasaun ba sira na’in-3 hatudu katak, sira la iha dokumentu ofisial ruma bainhira tama iha territóriu Indonézia. Sira na’in-3 hosi Sakato, RAEOA Timor Leste.
Tuir informasaun ne’ebé fó sai iha mídia detik.com Indonézia nian, Karnawa mensiona, ho kilograma atus ba atus fiu cobre (Tembaga_sigla Indonézia) deskonfia rejultadu hosi nauk iha EDTL RAEOA nian. Hosi sira na’in-3 refere, na’in rua seluk tama bebeik hodi faan fiu cobre (Tembaga_sigla Indonézia).
Karnawa haktuir tán, kapturasaun ne’e akontese hahú kuandu sidadaun estranjeiru na’in-3 mai hosi diresaun Sakato RAEOA ba Suku Sone munisípiu TTU. Bainhira to’o iha ne’ebá, sira kontinua sira nia viajen ho kareta aluga marka Pikap ba Atapupu, munisípiu Belu, atu faan sasan refere ba armazém Bintang Laut.
Kuandu autoridade seguransa simu ona informasaun refere, ekipa Intelkam Polres Belu halo kedan preparasaun hodi halo kapturasaun. Hafoin kaptura, sidadaun timoroan na’in-3 refere entrega ba autoridade imigrasaun Atambua atu kontinua prosesa tuir dalan legal.
Fontes : Detik
Editor : G-News
loading="lazy" />