G-NEWS (DILI) – Nu’dar ita hatene, litúrjikamente, iha loron 22 fulan augosto, Santa Kreda selebra Coroação de Maria Santíssima como Rainha dos Anjos e dos Homens, iha loron ne’e Parókia Luro mós selebra loron Padroeira Nossa Senhora Rainha dos Apóstolos. No loron ereccão canónica ba Luro nu’udar parókia ba dala 10.
Iha eventu ne’e Bispu Diocese Baucau halo nia primeira vizita .Visita ida ne’e nu’udar vizita ofisial da-huluk ba parókia sira. Vizita loron rua ne’e hahú hosi loron 21 to’o 22 fulan agosto tinan 2023.
Maske loro manas no rai rahun makaas, la hamenus antusiasmo Autoridades sivil, autoridade eclesiastica no sarani tomak ne’ebé ho ksolok simu Bispu iha oras meúdia iha loron 21 fulan agosto.
Iha okaziaun nakonu ho graça ne’e Bispo Leandro administra sakramentu krisma ba foin sa’e na’in 523. Alémde ne’e halo mós enkontru ho autoridade lokal, Konsellu parokial, Ajente Pastoral, padre, madre sira, frater ne’ebé servisu iha Luro no Vigariaria Lautém hodi rona, sira iha mos planu, hatur fatuk moruk ba uma Madre Conggregação Santa Ana nian.
Iha nia intervensaun hotu-hotu, Bispu sempre fó êmfase ba virtudes krista nian atu sarani hotu-hotu hatene haraik án no rona malu, perdua malu no simu malu nu’udar karakter ne’ebé identifika ita ho modo espesial nu’udar ema Kristaun.
Administrador posto hato’o nia saudasaun ho ksolok no louva Amu Administrador no sarani hotu nia orasaun mak Luro hetan priviléjiu simu presente sai fatin da-huluk hetan vizita apóstolika hosi Bispo foun.
Amu Administrador Paroquial Padre Tiago Soares iha nia mensajem husu liu-liu ba krismadu sira na’in atus lima liu, atu sai nafatin joven masin no naroman ba rai Luro, no mós iha fatin hotu ne’ebé sira sei ba.
Prezente iha eventu ne’e Padre sira hosi Vigarária Lautém, bainaka autoridade hosi Lospalos, emprezáriu Luro oan, líder Nasionál Lurenses sira, Lideres hosi nivel munisipal, postu, suku no aldeias sira nune’e mos padre sira husi Câmara Eclesiástica Baucau.
Fontes : Média Diocese Baucau
Editór Testu : Amito Qonusere Araújo
loading="lazy" />