G—NEWS (DILI)— Arsebispu Metropolitana Diocese Dili Dom Virgilio Kardeal do Carmo da Silva, SDB, nia naran tama lista ba koléjiu Kardinalisiu ba eleisaun Papa foun.
Tuir informasaun ne’ebe G—NEWS asesu, Dom Virgilio Kardeal do Carmo da Silva, nu’udar bibi-atan dahuluk Timor nian, ne’ebé sei partisipa iha eleisaun ba Papa foun, maibé nia parte seidauk simu informasaun ofisial husi Vatikanu.
“Tuir regra, nia mos tama iha koléjiu Kardinalisiu ba eleisaun Papa foun”, haktuir Dom Virgilio Kardeal do Carmo da Silva, iha konferensia imprensa, iha Câmara Eclesiástica Dili, segunda-feira (21042025).
“Maibe sei hein hela informasuan ikus husi Vatikanu”, haktuir husi Dom Virgilio.
Iha loron 30 Janeiru 2016, Amu Papa Francisco nomeia Padre Salezianu Virgilio Do Carmo Da Silva nu’udar bispu foun Dili nian, iha Kapital Timor Leste, Timor Leste.
Nia nu’udar superiór provinsiál Salezianu sira Don Bosco nian iha Timor Leste iha tempu ne’ebé hetan nomeasaun.
Moris iha 27 Novembru 1967, iha Venilale, Bispu Da Silva kompleta nia estudu primáriu no sekundáriu iha eskola saleziana sira Fatumaca nian no deside atu hamutuk ho salezianu sira.
Hafoin nia filozofia no teolojia iha Manila, iha Filipina, nia pronunsia nia juramentu dahuluk sira iha loron 31 fulan-Maiu tinan 1990, no juramentu perpétuu sira iha loron 18 fulan-Dezembru tinan 1998.
Depoizde ninia ordenasaun saserdotál Bispu Da Silva serbí nu’udar formadór no mestre novisu Salezianu sira-nian, ekonomista, pároku, no diretór eskola téknika ida nian. Nia mós iha lisensiadu iha espiritualidade husi Universidade Pontifísia Saleziana Roma nian.
Iha 11 Setembru 2019, Papa Francisco kria provínsia ekleziástika Díli, halo Díli sai arkidioseze metropolitana, no nomeia do Carmo da Silva nu’udar arsebispu dahuluk Timor-Leste nian.
Iha loron 27 Agostu 2022, Amu-Papa Francisco hasa’e Amu-Bispu Virgílio do Carmo da Silva, ba Kardeál.
loading="lazy" />