G-NEWS (DILI) – Ekipa konjunta kompostu husi Komandu Polísia Nasional Timor-Leste (PNTL) munisipiu Liquiça liu husi Diresaun Servisu Informasaun Polísia (DSIP) no Komandu Falintil Forsa Defesa Timor-Leste (F-FDTL) ne’ebe maka destakadu iha Munisipiu Liquiça, iha loron 27 fulan Jullu tinan 2025, hafoin simu informasaun katak iha kareta ho marka Carry no Grand Max tula sasan kontra-bandu husi diresaun Loes atu mai kapital Dili ho dalan ilegal halo kedas operasaun hodi kaptura no identifika.
Porta Voz Komandu PNTL Superintendente Polísia João Belo dos Reis liu husi konferensia imprensa Segunda-feira (28/07) ne’e relata ekipa konjunta detekta aktividade kontra-bandu balun iha fronteira nune’e ita halo operasaun, hapara aktividade kontra-bandu ne’ebe importa sasan Bebidas lubuk ida husi fronteira mai iha Dili.
“Agora prosesu lao hela no sasan ne’ebe mai prende sei aprezenta ba Ministeriu Públiku (MP) Maliana ohin, ita halo hela identifikasaun husi dadus ne’ebe ita iha, membru PNTL ida mós fasilita, lori nia kareta ba tula sasan,” relata Porta Voz Komandu PNTL ne’e.
Superintendente Polísia ne’e subliña tan katak, tanba saida maka membru PNTL ne’e ba, tanba saida maka nia tula, ida ne’e sei iha prosesu identifikasaun lao hela. Evidensia sira husu operasaun ne’e agora dadaun asegura hela iha Diresaun Servisu Investigasaun Kriminal (DSIK) no sei transporta ba Maliana.
“Ekipa konjunta identifika kareta rua refere (Carry & Grand Max) ne’ebe maka tula Bebidas maka hanesan Coca-cola hamutuk 132 kaixa=3168, Sprite hamutuk 126, Kaixa = 3026 kaleng, no Y.C one 1000 hamutuk 55 Kaixa, botir 29 = 1679 Botir”, afirma Superintendente Polísia ne’e.
Aktual Diretúr DSIK ne’e hatutan tan katak suspeitu sira ne’ebe maka ekipa konjunta evakua hodi halo identifikasaun hamutuk na’in ha’at (4) ho inisial A.S.G, A.L, L.P no T.C.L.
loading="lazy" />