G-NEWS (DILI) – Xefe Estadu José Ramos Horta, manda ona mensajen ba nia omológu iha Portugal relasiona ho asaun kriminál ne’ebé envolve direta hosi timoroan sira, iha Santuariu Fátima, Portugal foin lalais ne’e.
Mensajen ne’ebé Xefe Estadu José Ramos Horta manda ne’e, hafoin timoroan sira iha Portugal halo asaun kriminál iha fatin sagradu santuariu Fátima Portugal, ne’ebé sai preokupasaun ba komunidade Portugéza.
José Ramos Horta dehan ba Jornalista sira, iha Ambeno-Oecusse foin lalais ne’e katak, nia konsellamentu ba governu Portugés no imigrasaun atu espulsa timoroan hirak ne’ebé komete kriminál iha territóriu Portugés.
Joven timoroan na’in-1 mate no na’in-5 kanek hosi konfrontu ida iha Fátima-Portugal
“Sira nia aktu ne’e kriminozu. Ha’u haruka ona mensajen ba Portugal; primeiru, tuir lei Portugeza, i depois sira ne’ebé envolve iha aktu ne’e, ha’u nia konsellamentu ne’e, di’ak liu, governu Portugés, imigrasaun espulsa sira hosi territóriu Portuges, mak ne’e de’it”, Xefe Estadu José Ramos Horta ko’alia ba jornalista sira.
Xefe Estadu ne’e esplika liu-tán katak, asaun kriminál ne’ebé akontese iha Europeia, hanesan Portugal, Irlanda Norte, envolve direta hosi membru grupu arte marsiais.
Tanba ne’e, Xefe Estadu konsidera, nasaun sira iha Europeia atu aplika black list ba timoroan sira ne’ebé envolve iha krime, nune’e labele tama tán iha Portugal, non nasaun seluk iha mundu.
“Iha Inglatera, Irlanda Norte, grupu ka elementu Arte Marsiais dalabarak ona, kleur ona halo problema sira ne’e. Agora halo iha Portugal, se mak halo, duni sai sira, tau sira black list, kuandu tau sira iha black list, labele tama tán iha Portugal de’it, labele tama iha rai sira seluk iha mundu ne’e, sira iha ona black list”, Xefe Estado José Ramos Horta.
Fanatismu ba grupu arte marsiais: bele halakon sentidu “maun-alin” nu’udar Maubere ou Timor oan
Tuir informasaun ne’ebé fó sai iha mídia lokal JN iha Portugal, ne’ebé fó sai iha Domingo (02062024) haktuir katak, konfrontus ne’ebé akontese entre joven maijumenuts tinan 20 to’o 30 afeta na’in-1 lakon vída, na’in-3 kanek grave, no na’in-2 seluk kanek kaman, iha Domingu (02062024), iha dalan Dom José Alves Correia da Silva, fatin ida ne’ebé GNR no Departamentu Bombeiros Voluntáriu hela.
Asistente Komandante Bombeiros Voluntáriu Fátima, André Maurício hahate ba JN katak, maijumenus tuku 01.15, sira haree ho “konfuzaun”, no kuandu sira husik sira nia fatin hodi haree saida mak akontese, sira hetan “grupu balun” hetan kanek hosi konsekuênsia arma branka.
Editór Testu : Amito Qonusere Araújo
loading="lazy" />