G-NEWS (BOBONARO) – Sexta-Feira (03112023), korpu Bombeirus Maliana hala’o intervensaun direita ba kazu sunu uma populasaun nian, hosi grupu balun iha bairu Jobelis no Sorluli, aldeia Lourba Suku Lourba postu Bobonaro munisípiu Bobonaro.
Tuir informasaun ne’ebé G-News asesu liuhosi pájina ofisial Autoridade Proteção Civil Timor Leste katak, akontesementu iha Lourba, ahi han uma kain 4 kios 2, Uma 8 estragus no ema na’in 7 kanek. No dadaun ne’e família vítima sira asegura ona sira nia an iha família nia uma.
Iha akontesimento ne’e rezulta ema na’in 7 kanek. Hosi vítima ne’e, na’in-3 hetan kanek todan transfere ona ba Ospitál referral Maliana, no 4 seluk ne’ebé kanek kmaan, ho vítima maiória hosi Suku Carabau.
To’o oras ne’e, autoridade sira seidauk hatene motivu hosi akontesimentu ne’e.
“Timor Leste hasoru hela bailoron Naruk No Rai manas Los tebes fasil ahi hau Uma, fo atensaun tomak ba Ita hotu labele Sunu Rai No Sunu Dut tamba fasil ahi daet lalais ba Uma, realidade desastre umanu ka Desastres husi Ema nia hahalok mosu dadauk realidade Ita hotu haree No akompanha akontesementu refere”, nota informativa ne’ebé fó sai iha pájina ofisial ne’e.
Motivu husi akontese ahi Uma ne’e tamba iha konfrontus entre joven sira hodi resulta sunu uma no estraga uma.
APC Municipio Bobonaro hahú halo verifika ba uma ne’ebé mak estragus no sasan, APC lori ona Apoiu Emerjênsia ai-han No Laos ahi ba hodi apoiu ba vitima Sira”, nota informative iha pájina ofisial ne’e.
Entertantu ho kazu ne’e, G-News tenta nafatin hodi halo konfirmasaun ho autoridade komunitária, no Komandante Polísia munisípiu Bobonaro maibé seidauk hetan resposta tanba tuir informasaun katak, komandante ho nia ekipa sei iha terrenu.
Jornalista : Ekipa G-News
Editór Testu : Amito Qonusere Araújo
loading="lazy" />