G—NEWS (PORTUGAL) — Iha domingu liubá ne’e, hala’o ona serimónia omenajen ba D. Afonso Henriques, mahein ba Exérsitu Portugés, ne’ebé integra iha Enkontru Nasional 54.º Expedisionáriu sira ba Timor, organizadu husi komisaun ho naran Katuas Guimarães, ho apoiu husi Munisípiu Guimarães no Asosiasaun Veteranu Lanceiros Portugal.
Enkontru ne’e halibur antigu expedisionáriu sira ho sira-nia família, reprezentante komunidade, maluk Timoroan sira no ema sira ne’ebé iha ligasaun ho istória entre Portugal no Timor-Leste, iha tempu ida ne’ebé marka ba memoria, apresiasaun no amizade ne’ebé sira harii durante tinan barak.
Serimónia ne’e mos hetan partisipasaun husi estudante Timoroan sira iha Guimarães, ne’ebé fó apoiu ba animasaun eventu liuhosi Grupu VOZ Guimarães, ho kolaborasaun husi Padre Domingos G. de Araújo. Iha orasaun ne’ebé realiza durante enkontru, padre ne’e harohan mos sira ne’ebé fila ona ba mundu seluk, hato’o mos solidariedade ba sira ne’ebé moras, no agradese ba Maromak tanba amizade no fraternidade entre nasaun rua, Portugal no Timor Leste, ne’ebé sinti hanesan maun-alin. Partisipa iha encontro ne’e, maluk Timoroan balu ne’ebé hela iha Portugal.
Durante konvíviu no kulturál no animasaun, jovem sira kanta kansaun Timor nian ne’ebé lori halo katuas sira sinti saudades. Musica sira hanesan “O Rai Timor Furak”, “Ó..O.. Timor” no “Hau Hakerek Surat Ida”, ne’ebé sira rasik husu diretamente. Momentu ne’e halo sira sente saudade no emosional, hodi kria ambiente ida ne’ebé nakonu ho lembransa ba Timor.
Encontro ne’e mos, bele promove diálogu entre jerasaun sira no hametin fraternidade entre nasaun rua.
Tau Timor iha fuan, partisipante sira reafirma katak importante atu rai metin respeitu ba pasadu no kontinua harii dalan amizade, memória no kooperasaun ba futuru.
Timor no Portugal kontinua hamutuk iha istória, amizade no solidariedade entre jerasaun sira.
loading="lazy" />