G-NEWS (DILI) – Prezidente Uni Timor Aswain Eurico Gutteres husu deskulpa ho konvite atu partisipa serimónia nasionál Proklamasaun Independénsia 28 de Novembru 2024, ba dala 49, ne’ebé sei realiza iha Rejiaun Administrativa Espesiál Oecusse-Ambeno (RAEOA).
Eurico Guterres, hato’o lia-hirak hodi hatan perguntas G-NEWS nian ho lian Indonézia liu WhatsApp, kuarta-feira (27112024) semana ne’e.
Eurico konfirma ho lian Indonézia kona-ba ninia auzensia iha loron Proklamasaun Independénsia.
“Selamat siang dan salam damai sejahtera. Mengenai kehadiran saya di Ambeno, Tgl. 28 November 2024 atas undangannya PR Timor Leste, saya minta maaf, karena saya belum bisa memenuhi undangan tersebut”, Eurico Guterres, ba G-NEWS 27112024.
Tradusaun ba lian Tetun “Kona-ba ha’u nia partisipasaun iha Ambeno, loron 28 fulan-Novembru 2024 liu husi konvite Prezidente Repúblika, ha’u husu deskulpa, tanba ha’u seidauk bele kumpre konvite refere”.
Eurico fó rajaun ba G-NEWS relasiona ho ninia envolvimentu iha referendi 1999, iha ne’ebé ninia naran tama lista husi totál 403, atu labele sai husi territóriu Indonézia inklui tama Timor Leste.
“Karena persoalan hukum terkait dengan jajak pendapat Timor Timur 1999, dimana saat ini nama saya masuk dalam daftar 403 orang yang masih dicekal untuk tidak ke luar negeri, termasuk Timor Leste”.
Tradusaun ba lian Tetun “Tanba kestaun legal relasiona ho referendu 199, iha ne’ebé ha’u nia naran tama iha lista ema na’in 403 ne’ebe sei proibidu atu sai husi rai laran, inklui Timor Leste”, Eurico ko’alia ba G-NEWS.
Nia konfirma tán katak, solusaun ba ida ne’e responsabilisa husi governu Dili no Jakarta.
“Solusaun kona ba ida ne’e, iha Governu Timor Leste ho Indonesia nia liman”, Eurico Guterres.
Durante issu ne’ebé víral, Eurico Guterres sei partisipa loron nasionál Proklamasaun Independénsia 28 Novembru iha RAEOA, no iha ne’ebé timoroan balun mós hasai foto hamutuk, maibé konfirmadu katak imajen sira antes ne’e iha fatin seluk.
Eurico Barros Gomes Guterres, nu’udar figura pro-integrasaun iha Timor Lorosa e. Uluk nia hala’o kna’ar nu’udar Komandante Adjuntu ba milísia pro-Indonézia iha Timor Leste. Nia mós hala’o kna’ar nu’udar membru DPRD Timor Lorosa’e husi partidu Golkar husi tinan 1999-2004.
Nia hetan akuzasaun ba involvimentu iha masakre lubuk ida iha Timor Lorosa’e, no nu’udar lider milísia prinsipál iha masakre pós-referendu no destruisaun ba kapitál Dili.
Editor Testu: Amito Qonusere Araújo
loading="lazy" />