G-NEWS (DILI) — Embaixada Republika Indonézia iha Dili, liuhosi Adidu Segugaransa hala’o semináriu kona-ba “Public Speaking” ba membru PNTL feto sira ho objetivu atu hasa’e abilidade komunikasaun Polisial.
Adidu Seguransa Embaixada Indonézia Kombes Pol Don Gaspar da Costa hateten iha Embaixada Indonézia Motael Dili, kuarta (31/07) katak, embaixada Repúblika Indonézia, iha komitmentu atu dezenvolve rekursu humanu, espesialmentu programa servisu Adidiu Seguransa KBRI Dili nu’udar organizasaun parseiru ho PNTL, iha okaziaun Para diplomásia relasiona ho autoridade seguransa nia servisu liu-liu kona-ba abilidade komunikasaun tanba lor-loron Polisia servisu hamutuk ho komunidade. Tanba ne’e maneira no estratéjia komunikasaun Polisia tenke koresponde ho komunidade nia nesesidade.
Nia hatutan, “Ita haree servisu hamutuk entre Polisia Repúblika Indonézia (POLRI) ho PNTL liuhosi parseria ho Embaixada Indonézia, ita sempre esfórsu atu fahe infórmasaun no koñesimentu atu nune’e membru PNTL sira espesialmente ohin loron Polisia Femenina sira ne’ebé mak durante ne’e iha abilidade komunikasaun di’ak ona sai di’ak liutan atu bele komunika ho komunidade. Ho nune’e abilidade komunikasaun ne’ebé mak membru Polisia iha ne’e sei ajuda nia kna’ar atu servi no fó protesaun ba povu iha Timor-Leste”.
Seminariu loron ida ne’e, sei ko’alia kona-ba oinsá ema ida-idak domína matéria ne’ebé mak nia hato’o bainhira nia ko’alia, atu nune’e audiensia (ema ne’ebé mak rona) bele kompriende, hatene objetivu hosi komunikasaun Polisia ne’ebé mak nia hato’o lori vizaun no misaun hosi instituisaun ne’e atu la’o ho di’ak no komunidade bele simu.
Reprejentante Komandante Jerál PNTL Superintendente Assistente Polisia Augusto Tilman agradese ba adidu Seguransa KBRI, tanba fulan oin nia remata ona nia misaun iha Timor-leste, tanba ne’e aproveita nia matenek ne’ebé mak nia fahe, tanba laos ema hotu-hotu bele fó nia matenek hanesan ne’e ida ne’e úniku hosi Komandante da Costa, nune’e ita agradese ba esfórsu tomak ne’ebé mak nia ba membru PNTL.
“Ita espera ba futuru Adidu seguransa fóun ne’ebé mak mai troka Kolonel da Costa bele kontinua nafatin fahe matenek mai ita”dehan Tilman.
Nia akresenta, save inportante ba komunikasaun ne’ebé di’ak mak membru Polisia nomos funsionariu sivil tenke fiar ba lian ne’ebé úniku tanba hanesan membru PNTL nia lia fuan ne’ebé mak fó sai hasoru públiku no komunidade, entaun lia-fuan ne’ebé mak fó sai úniku teb-tebes ba sira atu bele kompriende mensajen saida mak hato’o. Fiar an, bainhira ko’alia kona-ba “public speaking” tenke halo preparasaun di’ak tanba atu ko’alia iha públiku tenke domína matéria ne’ebé mak hato’o.
“Tanba ita hasoru komunidade oi-oin entaun tenke prepara atu nune’e audiensia ne’ebé mak ita atu hasoru sira mai bele rona buat foun ruma hosi ita”.
“ikus liu ita nia lia fuan tenke inspira ema ne’ebé mak rona ita no dada sira nia atensaun, infórmasaun ne’ebé ita hato’o tenke buat fóun ruma ho tópiku importante nune’e sira sente katak ne’e inportante ba sira atu rona”.
Partisipa iha seminariu ne’e, Xefe Gabinete Jéneru Inkluzaun Inspetur Xefe Maria Fátima Martins, Polisia Femenina hosi Kuartel Jerál, CFP, UEP no funsionariu Sivil.
Semináriu ne’e raliza tanba hetan apoiu hosi Banku Mandiri Dili.
Editór Testu : Amito Qonusere Araújo
loading="lazy" />