G—NEWS (DILI) — Komandu Polísia Nasional Timor-Leste (PNTL) Apresia no Agradese ba sidadaun sira liu-liu juventude sira nian partisipasaun no kontribuisaun hodi garante paz no estabilidade durante jogu desportu CPLP epoka 2025 nian hala’o iha kapital Dili.
Porta Voz Komandu PNTL Superintendente Polísia João Belo dos Reis liu husi konferensia imprensa Segunda-feira (28/07) ne’e hateten aktividade Desportu CPLP lao diak tebes hahu’u husi inisiu to remata kuaze lao iha loron sanulu-resin-rua nia laran, tanba ne’e Komandu PNTL Hakarak Apresia no Agradeses ba Ita hotu nia partisipasaun iha eventu desportu ida ne’e.
“Apresia no agradese liu-liu ba ita nia Juventude sira nia kontribuisaun hodi mantein paz no estabilidade durante realiza aktividade ida ne’e lao ho diak, nune’e hahu’u husi inisiu bainaka sira to’o mai, durante jogu ne’e hala’o to’o bainaka sira fila orseik no balun fila ohin, Komandu la rezista kazu krime ruma”, informa Porta Voz Komandu PNTL.
Superintendente Polísia ne’e haktuir durante aktividade ne’e realiza, sidadaun hotu iha ona Maturidade diak ba ita nia bainaka sira no ita nia jovem barak maka animadu/kontente, hakarak aprende husi nia maluk sira CPLP nian.
“Dezafiu iha aspektu rekursu umanu no logistika ne’ebe maka Komandu PNTL hasoru iha realizasaun eventu ida ne’e, ida ne’e normal, maibé ida ne’e la impede ita nia vontade, ita nia espíritu atu servi ita nia povu”, hakotu Diretúr DSIKN ne’e.
loading="lazy" />