G—NEWS (DILI) — Primeiru-Ministru Interinu S.E Eng. Mariano Asanami Sabino hamutuk ho Ministru Asuntu Veteranu Gil da Costa “Oan Soru” hato’o komunikadu ba imprensa kona-ba mate-isin Saudozu Eis-Prezidente Repúblika, eis Prezidente Asembleia Konstituante, Eis-Prezidente Parlamentu Nasionál Francisco Guterres “Lú Olo” ne’ebé hakotu nia is iha ospitál Malázia, oras tuku 10 kalan.
Primeiru-Ministru Interinu dehan ba inan-aman no povu Timor-Leste tomak katak ohin no horkalan ne’e notísia triste tebes ba ita hotu, Timor-Leste lakon tan lutadór ida ne’ebé hakotu nia is iha rai Malázia.
“𝘕𝘶𝘥𝘢𝘳 𝘗𝘳𝘪𝘮𝘦𝘪𝘳𝘶-𝘔𝘪𝘯𝘪𝘴𝘵𝘳𝘶 𝘐𝘯𝘵𝘦𝘳𝘪𝘯𝘶 𝘩𝘢𝘮𝘶𝘵𝘶𝘬 𝘩𝘰 𝘔𝘪𝘯𝘪𝘴𝘵𝘳𝘶 𝘴𝘪𝘳𝘢, 𝘪𝘵𝘢 𝘩𝘰𝘵𝘶 𝘴𝘦𝘪 𝘩𝘢𝘭𝘰 𝘭𝘶𝘵𝘶 𝘯𝘢𝘴𝘪𝘰𝘯𝘢́𝘭 𝘣𝘢 𝘭𝘰𝘳𝘰𝘯 7, 𝘖𝘳𝘢𝘴 𝘵𝘶𝘬𝘶 10:30 𝘖𝘛𝘓 𝘢𝘮𝘪 𝘴𝘦𝘪 𝘩𝘢𝘭𝘰 𝘒𝘰𝘯𝘴𝘦𝘭𝘭𝘶 𝘔𝘪𝘯𝘪𝘴𝘵𝘳𝘶 𝘌𝘴𝘵𝘳𝘢𝘰𝘳𝘥𝘪𝘯𝘢́𝘳𝘪𝘶 𝘢𝘵𝘶 𝘥𝘦𝘬𝘳𝘦𝘵𝘢́ 𝘐𝘵𝘢 𝘩𝘰𝘵𝘶 𝘴𝘦𝘯𝘵𝘦 𝘭𝘢𝘬𝘰𝘯 𝘪𝘵𝘢 𝘯𝘪𝘢 𝘬𝘰𝘮𝘱𝘢𝘵𝘳𝘪𝘰𝘵𝘢, 𝘤𝘢𝘮𝘢𝘳𝘢𝘥𝘢𝘫𝘦𝘯, 𝘪𝘵𝘢 𝘯𝘪𝘢 𝘬𝘰𝘮𝘢𝘯𝘥𝘢𝘯𝘵𝘦”
Nia aumenta katak Governu orienta ona ba lideransa Ministériu nian atu organiza aviaun espesiál Aban loron 23 Juñu 2026 sei to’o iha Díli ho Aero Dili ne’ebé uza bandeira nasionál, Aviaun ne’e aluga espesiál, ema seluk la sa’e, mate-isin no família mak sei sae.
Primeiru-Ministru Interinu, Eng. Mariano Assanami Sabino, ne’ebé reprezenta IX Governu Konstitusionál hato’o kondolénsia kle’an ba família boot, ba Partidu FRETILIN, no ba povu Timor-Leste tomak.
“𝘐𝘵𝘢 𝘩𝘰𝘵𝘶 𝘴𝘦𝘯𝘵𝘦 𝘭𝘢𝘬𝘰𝘯 𝘐𝘵𝘢 𝘩𝘰𝘵𝘶 𝘯𝘪𝘢 𝘰𝘳𝘢𝘴𝘢𝘶𝘯 𝘪𝘮𝘱𝘰𝘳𝘵𝘢𝘯𝘵𝘦 𝘩𝘰𝘥𝘪 𝘧𝘰́ 𝘬𝘰𝘳𝘢𝘫𝘦𝘯 𝘣𝘢 𝘧𝘢𝘮𝘪́𝘭𝘪𝘢 𝘯𝘰 𝘣𝘢 𝘰𝘢𝘯 𝘴𝘪𝘳𝘢 𝘢𝘵𝘶 𝘮𝘢𝘯𝘵𝘦𝘪𝘯 𝘧𝘪𝘳𝘮𝘦, 𝘦𝘴𝘵𝘶𝘥𝘢, 𝘢𝘱𝘳𝘦𝘯𝘥𝘦 𝘯𝘢𝘧𝘢𝘵𝘪𝘯 𝘢𝘵𝘶 𝘩𝘢𝘬𝘢𝘵 𝘵𝘶𝘪𝘳 𝘯𝘪𝘢 𝘢𝘮𝘢𝘯 𝘯𝘪𝘢 𝘢𝘪𝘯-𝘧𝘢𝘵𝘪𝘯, 𝘒𝘰𝘳𝘢𝘫𝘦𝘯 𝘣𝘢 𝘧𝘢𝘮𝘪́𝘭𝘪𝘢, 𝘐𝘵𝘢 𝘩𝘰𝘵𝘶 𝘯𝘪𝘢 𝘰𝘳𝘢𝘴𝘢𝘶𝘯 𝘢𝘬𝘰𝘮𝘱𝘢𝘯̃𝘢 𝘔𝘢𝘶𝘯 𝘓𝘶́ 𝘯𝘪𝘢 𝘬𝘭𝘢𝘮𝘢𝘳 𝘣𝘢 𝘔𝘢𝘳𝘰𝘮𝘢𝘬 𝘯𝘪𝘢 𝘴𝘰𝘳𝘪𝘯-𝘭𝘢𝘳𝘢𝘯”.
Iha fatin hanesan, Ministru Asuntu Veteranu Gil Oan Soru aumenta hanesan veteranu, sira sente lakon lideransa ida ne’ebé durante luta tinan 24 hamutuk ho povu, nunka hakruk ba polítika invazór sira nian.
Ho dekreta lutu nasionál loron 7 Governu no povu Timor-Leste hatudu onra boot ba Saudazu Eis-Prezidente Republika Lú Olo, Nia luta no sakrifísiu sei nafatin inspira jerasaun foun atu servi rai doben Timor-Leste.
Fontes: AMRT
loading="lazy" />