G—NEWS (DILI) — Governu Timor Leste sei hasai rezolusaun ida iha tersa-feira (22042025) hodi fó onra ba Papa Francisco, líder másimu Igreja Katólika Apostolika Romana, ne’ebé hakotu ona is, iha segunda-feira (21042025), iha Roma, Italia.
Desizaun ne’e, ko’alia husi Ministru Administrasaun Estatal Thomas do Rosario Cabral, liu husi mensajen ba Administrador munisipal no Prezidente autoridade sira, hodi transmite informasaun ida ne’e to’o iha nível suku, iha territóriu nasionál tomak.
Ministru Thomas Cabral ko’alia katak, Bandeira RDTL ne’e sei hasae meia-aste durante semana ida.
“PAM sira, governu hasai lutu nasionál ba Amu-Papa mate ne’e semana ida, aban (tersa-feira, 22042025) dáder bandeira meia-astes/stengah tiang iha edifísiu hotu-hotu, to’o suku sira, informa kedas ba”, Ministru MAE hato’o lia-hirak ne’e liu husi voice recorded ne’ebé G—NEWS asesu.
Governante ne’e mós husu ba Administrador munisipal no Prezidente autoridade munisipal sira atu koordena ho autoridade seguransa sira iha nível munisipal.
Iha loron 9-11 fulan-Setembru tinan 2024, Papa Francisco hala’o ona vizita apostolika ba Timor Leste durante loron 3.
Iha vizita ne’e, povu no sarani Timor Leste tomak antusiazmu hodi partisipa selebrasaun eukaristia ne’ebé dirije direta husi Papa Francisco, iha Tasitolu, Dili, ne’ebé partisipa husi sarani sira rihun sanolu resin husi Diocese tolu, inklui sarani sira husi nasaun viziñu Indonézia, liu-liu komunidade fronteira Atambua nian.
loading="lazy" />