G-NEWS (DILI) — Governu Inglatera deporta ona timoroan na’in-35 tanba uza Passaporte Timor Leste hodi hala’o servisu durante ne’e. Timoroan hirak ne’e to’o iha Aeroportu Internasionál Prezidente Nicolau Lobato, iha kinta-feira (25072024), tuku-18 ho balun kalan óras Timor Leste.
Bainhira to’o iha Aeroportu, timoroan hirak ne’e lori kedan ba iha edifísiu Polísia servisu Investigasaun Nasionál, hodi halo identifikasaun. Sidadaun hirak ne’e, ba estasaun polísia ho kareta PNTL nian.
Tuir observasaun G-NEWS nian, entre na’in-35, sidadaun mane ida, rakut Jornalista feto ida ninia fuk bainhira Jornalista sira foti imajen. Ho akontesimentu ne’e, autoridade seguransa asegura kedan sidadaun refere, no lori ba estasaun polísia atu halo identifikasaun.
Bainhira haksesuk malu entre sidadaun refere ho jornalista, sidadaun ne’e lakohi atu jornalista foti ninia imajen. Situasaun ne’e, polísia husu ba jornalista atu hato’o keixa ba Polísia nune’e bele prosesa tuir dalan legál.
Tuir artigu 41 Lei Komunikasaun Sosial, númeru 1 no aliña 2 deskreve katak, sei hetan kastigu ho pena prizaun to’o tinan rua ka multa ba ema ne’ebé mak, halo aktu seluk ne’ebé perturba, taka dalan, hatauk no la fó fatin atu bele hala’o atividade jornalista sira nian tuir lei.
Editór Testu : Amito Qonusere Araújo
loading="lazy" />