G—NEWS (DILI) — Ajensia Dezenvolvimentu Nasionál (ADN) hamutuk ho ekipa hosi Ministériu Administrasaun Estatal (MAE) ho Autoridade Munisipál Lautém hala’o observasaun direta ba fatin atu hala’o konstrusaun Monumentu Dom Martinho da Costa Lopes, ne’ebé haktuir historia luta nian iha Suku Mehara, Postu Administrativu Tutuala, Munisípiu Lautém.
Observasaun ne’e orientasaun hosi Primeiru Ministru (PM-RDTL) Kay Rala Xanana Gusmão ba Ministériu Administrasaun Estatal (MAE) ho Ajensia Dezenvolvimentu Nasionál (ADN) hodi koordena ho Autoridade Munisipál Lautém atu observa fatin ba konstrusaun Monumentu Dom Martinho da Costa Lopes nian iha Suku Mehara.
Iha momentu ida ne’e, Ministru Administrasaun Estatal ho Ajensia Dezenvolvimentu Nasionál ADN atu halo konseitu ba Monumentu Mehara hodi fó Homenagem ba matebian Dom Martinho da Costa Lopes, ne’ebé momentu funu hasoru malu ho Komandante Em Xefe das FALINTIL atual Primeiru Ministru hodi entrega dokumentus re-organizasaun funu nian.
Aleinde ne’e Primeiru Ministru mos tau planu hodi fo mós Homenagem ba Dom Martinho da Costa Lopes, ne’ebé sei tau naran Ponte Manatuto hanesan fo Homenagem, nune’e mós hala’o konstrusaun Monumentu ida iha Suku Mehara.
Durante iha terenu ekipa Ajensia Dezenvolvimentu Nasionál (ADN) no Project Manajer ne’ebé responsavel projetu refere tau kedas markasaun ho nia medidas, ne’ebé akompaña ho, Prezidente Autoridade Munisipál Lautém.
Média PAM-Lautém
loading="lazy" />