G—NEWS (INTERNASIONAL) — Deklarasaun ida husi Timor-Leste espresa “solidariedade ho Repúblika Portugál no povu Portugés hasoru inséndiu floresta maka’as.”
Timor-Leste fó sai iha loron-kuarta ne’e, iha komunikadu ne’ebé fó sai hafoin reuniaun Konsellu Ministru nian, katak sei fó dolar amerikanu millaun 10 (liu euro millaun neen) ba Portugal hodi “apoia rekuperasaun hosi estragu sira ne’ebé provoka hosi inséndiu”.
Iha komunikadu ne’ebé fahe iha pájina web hosi Kay Rala Xanana Gusmão nia governu, nia hanoin hikas devastasaun ne’ebé provoka hosi inséndiu iha Portugal, ne’ebé estraga besik hektar 250 no halo ema na’in haat mate. Iha kontestu ida-ne’e duni maka aprova projetu rezolusaun ida hodi tulun Portugál.
“Projetu ida Rezolusaun Governu nian, ne’ebé aprezenta hosi primeiru-ministru Kay Rala Xanana Gusmão, hetan aprovasaun, hodi autoriza doasaun dolar amerikanu millaun 10 ba Repúblika Portugál hodi apoia rekuperasaun hosi estragu ne’ebé provoka hosi inséndiu”, haktuir hosi komunikadu.
Presiza nota katak Portugal kontinentál hetan afetadu hosi inséndiu rurál boot oioin dezde fulan-Jullu, liuliu iha rejiaun Norte no Sentrál.
Inséndiu kauza ema na’in haat mate, inklui bombeiru ida, no kanek oioin, balun grave, no estraga kompletamente ka parsialmente uma dahuluk no daruak, no mós to’os, animál hakiak, no floresta sira.
loading="lazy" />