G-NEWS (DILI) – HWPL ne’e nu’udar organizasaun Internasional ida-ne’ebé mak hari’i ba Paz Mundial no hakotu funu. HWPL hetan lisensa sai hanesan organizasaun naun Govermental ida iha Mentropolitánia iha governasaun Korea do Sul ninian. Organizasaun refere mós asosiada ho Nasaun Unidu(UN) liuhosi departamentu Komunikasaun Global no iha konsultasaun ho konsellu ekonómiku no sosial UN nian.
Ho Espíritu deklarasaun Paz Mundial nian, HWPL mai ho objetivu ida atu atinze Paz mundial liuhosi kultura no rekoopera hikas komunidade global sai naroman ho atividade paz nian ne’ebé mak ami halo iha nasaun nasaun hotu-hotu.
HWPL ninia parseiru mak Grupu Paz Feto Mundial (IWPG) no grupu afiliadu sira, Grupu Internasionál foinsa’e ba Paz. HWPL mós lidera hela movimentu Internasionál ba paz ho líder sira hotu iha moris ne’e tomak la ho limitasaun hosi nasionál, kultural ka barreira ideolójiku.
Iha sorin seluk, HWPL mos hakarak atu kontribui ba Dezenvolvimentu Sustentável ONU nian, hodi esplora kultura paz nian liuhosi maneira oioin mak hanesan; Forum, Edukasaun, Servisu Voluntáriu no Kampaña ka advokásia sira.
HWPL ninia atividade paz sira ne’e sei kontinua to’o paz ida sustentável hodi garante futuru jerasaun ne’ebé mak di’ak.
Reprezentante HWPL iha Timor Leste Jennifer Choi esplika ba G-News katak, prezensa organizasaun ida ne’e atu lansa Projetu Public Peace Art iha Dili, ho objetivu atu asegura konsiensia sidadaun sira nian.
HWPL sei ofisialmente lansa projetu Public Peace Art iha Dili, Timor Leste, hodi asegura konsiensia paz entre sidadaun sira no hafurak liutan urbanizasaun ambiente. Projetu ida-ne’e mós sei kontribui hodi promove relasaun sosiál entre foinsa’e sira“, Jennifer haktuir.
Partisipante ba serimónia lansamentu ne’e, hamutuk na’in 100, ne’ebé maihosi entidade oi-oin hosi parte Governu, sosiedade sivil, mídia no seluk tan, ne’ebé sei hala’o iha Segunda-Feira (31072023) iha Xanana Sport Centre, Dili.
Journalist : Ekipa G-News
Editór Testu : Amito Qonusere Araújo
loading="lazy" />