G-NEWS (DILI)- International Finance Coorporation (IFC) fó hanoin ba Governu atu konsentra de’it ba prosesu dezenvolvimentu infraestrutura báziku, nune’e bele fo asesibilidade ba povu.
Iha sorumutu ho vise Primeiru Ministru, ministru koordenador ba asuntu ekonomika, ministru turizmu no ambiente Francisco Kalbuadi Lay, iha edifísiu Ministériu Turizmu no ambiente Fárol-Dili.
IFC regional manager Paramita Dagupta afirma, dezenvolvimentu ekonómia sempre prontu apoiu másimu hodi fó tulun para ekonómia iha rai ne’e bele avansa hanesan nasaun seluk hodi fó benefísiu ba povu ne’e.
“IFC sempre prontu halo buat hotu nune’e bele lori progresu dezenvolvimentu iha area ekonomia mai Timor Leste”, IFC regionál Manager Paramita Dagupta informa iha komunikadu imprensa ne’ebé G-NEWS asesu iha loron 03 fulan Agostu tinan 2023.
Timor Leste presiza reforma setór privadu sira, hodi sai forte liu-tan atu bele partisipa ativu iha prosesu dezenvolvimentu nasionál.
Entretantu, IFC nu’udar instituisaun finanseira internasionál ne’ebé sempre oferese servisu investimentu, konsultória no jestaun ativu hodi insentiva dezenvolvimentu setór privadu iha nasaun menus dezenvolvimentu sira inklui Timor Lorosa’e.
Tanba, IFC nu’udar membru ida hosi Grupu Banku Mundial (World Bank Group) ho ninia kuartél jerál iha Estadu Unidu Amerika.
Organizasaun ne’e hahú tama Timor Leste iha tinan 2004, ne’ebé foku liu maka ba área dezenvolvimentu setór privadu iha nasaun ne’e.
Reuniaun ne’e alende sujere, Governu dezenvolve setór infraestrutura báziku, biban ne’e IFC mós aprezenta kona-ba programa ka projetu ne’ebé durante ne’e sira halo ona nafatin prontu apoiu governasaun atúal ba hadi’a ekonómia rai-laran.
Enkuantu, IFC la fó de’it prioridade ba setór dezenvolvimentu infraestrutura báziku, maibé foku mós hodi apoiu reforma setór privadu no prioritiza programa dezenvolvimentu.
Vise Primeiru Ministru mós agradese IFC ne’ebé hala’o ona sira nia programa public private partnership (PPP), iha aeroportu, portu Tibar, no projetu seluk ne’ebé halo ona ho TradeInvest inklui SERVE.
Jornalista : Ekipa G-News
Editór Testu : Amito Qonusere Araújo
loading="lazy" />