G-NEWS (DILI) – Bazeia ba polítika Governu da-sia ninian, mak Ministériu Juventude, Desportu, Arte no Kultura (MJDAK) liuhosi Komisaun Reguladora Arte Marsiais (KRAM) ho Diretiva númeru 2/KRAM/2022, no lei númeru 5/2017, kona-ba rejime Prátika Organizasaun Arte Marsiais no Arte Rituais, liu-liu ba dezaminasaun Informasaun ba Organizasaun Arte Marsiais (OAM) no Organizasaun Arte Rituais (OAR) sira, ho objetivu atu motiva no eduka membru sira hosi OAM ho OAR hodi bele lao tuir, regra hirak ne’ebé KRAM estabelese ona, liu-liu hodi hamenus konflitu sira ne’ebe akontese iha komunidade nia leet, no kontinua atu buka dalan ba prossesu kompetisaun desportiva silat iha Timor-Leste.
Tuir komunikadu imprensa ne’ebé G-News asesu, kuarta-feira (181020230 katak, komisaun organizadora formasaun no kompetisaun nasional IKS-PTL Kera Sakti Timor Leste hato’o ba públiku katak, relasiona ho eventu ba kompetisaun nasionál, ne’ebé sei hala’o iha loron 19 to’o loron 22 fulan Outubru tinan 2023. Tanba ne’e, komisaun Organizadora hahú hala’o ona preparasaun másimu atu fó susesu ba eventu ne’e. Kompetisaun ne’e nu’udar atividade desportiva ida, ho objetivu atu lori foin sa’e feto no mane liu-liu membru hosi Organizasaun IKS PTL Kera Sakti Timor Leste, atu kontribui ba pás no estabilidade.
“Hanesan sidadaun ne’ebé di’ak, iha responsabilidade atu asegura seguransa ida hakmatek iha nível sosiedade nian. Organizasaun nu’udar matadalan atu transforma tékniku no espiritualidade organizasaun nian. Ba konflitu sira ne’ebé akontese, ho indikasaun direta ba organizasaun, ne’e hanesan komentáriu públiku ba Liberdade espresaun, maibé em-prinsípiu, dutrina organizasaun nian, la iha orientasaun atu kria instabilidade ka hamosu inimigu ba malu entre foin sa’e sira, maibé eduka no mobiliza sidadaun sira atu sai sidadaun ida ne’ebé armónia, tanba ne’e ami Organizasaun IKS PTL Kera Sakti Timor Leste kompromete katak, Pás no estabilidade, polítika Governu ba Dezenvolvimentu nasionál, hodi tane ás nafatin integridade Estadu, nu’udar Estadu ida direitu demokrátiku, ho luta naruk tinan-24 nia laran, ne’ebé sosa ho ruin no ran, ho mataween, hosi povu Timor Leste. Tanba ne’e mak Organizasaun IKS PTL Kera Sakti Timor Leste hakruk tebes, no fó kontinênsia ba kontribuisaun hirak ne’e, nu’udar matadalan ida ba Organizasaun ho kontribuisaun liuhosi planu no programa sira ne’ebé dadauk lao hela”, haktuir iha komunikadu imprensa.
“Ho meius ida ne’e nu’udar dalan ida atu forma atletu, liu-liu membru Organizasaun sira nia talentu desportiva hodi prepara sira nia fíziku, mentalidade, saúde, bainhira iha oportunidade atu partisipa iha eventu nasionál, rejionál no internasionál, hodi hamorin Timor Leste nia naran iha mundu desportiva. Maibé prosesu sira ne’e, presiza duni preparasaun hosi kada organizasaun, tanba ne’e mak Organizasaun IKS PTL Kera Sakti kumpri mandatu polítika Governu hafoin reativa hosi Oitavu Governu Konstitusionál, mak Organizasaun ne’e foti kedan nia responsabilidade hodi kumpre tuir lei no regulamentu sira ne’ebé Governu atribui”.
Ho nune’e, mak antes atu tama ba eventu nasionál IKS Cup ba tinan ida ne’e, Diresaun Nasionál IKS PTL Kera Sakti hala’o ona simulasaun kona-ba téknika avaliasaun de Juri, arbitrajen no Arte kombate silat nian, tuir padraun internasionál ba formandu OAM-IKS PTL Kera Sakti desde fulan Agustu tinan ne’e, ho formador sira hosi Konsellu Tékniku Sentrál Madiun-Indonézia. Durante simulasaun ne’e formandu sira fasilita teória no prátika, hodi nune’e bele hasae koñesimentu no kapasidade téknika kombate formadu ida-idak, ba implementasaun eventu nasionál, nune’e bele aplika mós iha nível rejionál no internasionál iha futuru.
“Organizasaun IKS PTL Kera Sakti Timor Leste konsiente katak, la iha arte marsiais ida atu orienta ninia membru sira atu kria instabilidade, tanba organizasaun organizadu, no problema sira ne’ebé mak akontese, laos reprezentante hosi arte marsiais maibé ne’e individual. Organizasaun IKS PTL Kera Sakti Timor Leste, mai ho prinsípiu ida katak, Zero Inimigu, Amigu sentu pursentu; katak, lao hadulas hodi habelun ba ema hotu-hotu”.
Hanesan ami Iha eventu Nasionál IKS Cup ne’e, sei partisipa hosi membru sira hosi reprejentante sukursal iha munisípiu sanolu resin tolu, inklui RAEOA, no sukursal iha Dili Leste, Sentral no Oeste, ho atleta sira hamutuk 120, ho kategória mane ho klase A to’o E, no feto ho klase A to’o E, ho apoiu orsamentu hosi Governu liuhosi Diresaun Nasionál Komisaun Reguladora Arte Marsiais (KRAM), liuhosi transferénsia públika.
Jornalista : Ekipa G-News
Editór Testu : Amito Qonusere Araújo
loading="lazy" />