G—NEWS (BAUCAU) — Institutu Nasionál Seguransa Sosiál (INSS) elimina idozu no invalidez hamutuk atus tolu haat nolu (340) husi sistema baze dadus, tamba remata ona peregrinasaun iha mundu.
Kordenador INSS Munisipiu Baucau Gil Ximenes Gusmão hateten, idozu no inválidez ne’ebé elemina ona sistema báze dadus, maske autoridade suku la aprezenta lista maibe INSS halo verifikasaun hafoin detekta hodi elemina no sei la asesu tan osan subsídiu sosiál.
”Pagamentu faze primeiru ita nia dadus aprezenta 15.300 itál pesoas, foin dadauk ita reduz ba 15.125 pesoas maske benifisiáriu foun aumenta 270 itál pesoas, maibe tamba mate mós barak ita redúz, maibe atu dehan, la’os mate iha 2025 ne’e de’it lae, mate antes 2024, 2023,2022, autoridade la mai aprezenta,”relata Gil iha nia kna’ar fatin INSS Vila Nova Baucau (28-07-2025).
Gil esplika, tuir dekretu lei númeru 53/2022 kona ba pensaun sosiál iha artigu 15, ko’alia kona ba sisasaun bainhira idozu no inválidez mate iha fulan fulan-Janeiru (2025) nia direitu termina fulan refere, no fulan tuir mai sei la hetan ona direitu subsidiu sosiál.
”Mate janeiru (2025) husi otumbru(2024) tesik mai selu to’o fulan-Janeiru (2025), maibe halo deklarasaun foti hotu osan fevereiru-marsu (2025) tesik mai nia osan foti hotu iha artigu 15 númeru 3 ne’e ko’alia pagamentu individas hanesan ita selu sala no iha artigu 35 númeru dekretu lei númeru 53/2022 sita halo restituisaun ba pagamentu individas la fó fila fali osan ne’ebé selu sala, ne’e duni nia mate iha fulan ne’e nia direitu hotu fulan ne’e duni, ba kotuk osan seidauk foti bele foti hotu maibe mai oin labele ona” informa Kordenador INSS Baucau.
Enkuantu benifisiariu idozu no invalidez munisipiu Baucau rejistadu tinan 2025 asesu pesaun sosiál faze segundu tinan ne’e hamutuk 15.125
loading="lazy" />