G-NEWS (DILI) — Arsebispu Arkidioseze Matropolitana Dili, Dom Virgílio Kardeál do Carmo da Silva, SDB hasoru malu ho Prezidente Repúblika José Ramos Horta, hodi ko’alia kona-ba preparasaun ba vizita santu padre Francisco, ne’ebé sei vizita iha loron 9 to’o 11 fulan-Setembru tinan 2024.
Kardeál do Carmo, ko’alia ba jornalista sira hafoin hasoru malu ho Prezidente Repúblika José Ramos Horta, iha Palásiu Prezidénsial, Dili, sábadu (13072024) katak, líder Uma Kreda Katólika ho Xefe Estadu diskute kona-ba servisu hotu ne’ebé halo dezde inisíu to’o agora.
Líder na’in rua ne’e mós ko’alia kona-ba preparasaun sira atu simu Santu Padre Francisco, durante loron tolu iha Timor Leste.
“Vizita ida ne’e atu ko’alia oituan oinsá preparativa sira ba iha vizita Sua santidade ninian ne’e oinsá, entaun durante ne’e ami ko’alia, ami diskute, ida ne’e mak sai hanesan mós matéria, ba ami nia diskusaun, hodi rona oituan ba servisu hotu ne’ebé halo dezde inísiu mai to’o iha momentu ne’e agora, liu-liu haree hosi parte uma kreda ninian”, Kardeál do Carmo.
Prezidente Repúblika José Ramos Horta ko’alia fali katak, Prezidente Repúblika enkontru líder Igreja Katólika Timor nian ho reprejentante Santu Padre atu ko’alia kona-ba Santu Padre Francisco nia vizita mai Timor Leste.
“Ha’u hakarak duni enkontru ho sua Eminênsia ho Amu Papa nia reprejentante pesoal iha Timor Leste Sr Marcos Sprizzi para ko’alia kona-ba Amu Papa nia vizita hosi parte Santa Sé nian, parte Igreja Timor nian tanba Prezidensia buka liu-liu mak kolabora ho governu, Igreja, Santa Sé, tane hotu-hotu nia esforsu”, PR Horta ko’alia ba jornalista sira.
Horta dehan tán, ho vizita Santu Padre Franciso sei fó susesu ba Timor Leste.
“Vizita ne’e sai duni susesu kompletu ba Timor Leste”.
Amu Papa ne’e hanesan eventu Diplomátiku liu-liu ho ita nia istória, ne’e duni Prezidénsia pursentu 100, buat hotu-hotu ne’ebé governu, Uma Kreda, ho Santa Sé halo, ne’e mak primeiro homen, nesesidade ruma iha karik, ita sei bele halo”, Xefe Estadu hakotu nia deklarasaun hasoru jornalista sira.
Editór Testu : Amito Qonusere Araújo
loading="lazy" />