G-NEWS (DILI) — Kareta Tentara Nasional Indonesia (TNI) soke kareta Eis Prezidente Repúblika atuál Prezidente Partidu Libertasaun Popular (PLP) iha área Arra Suskoe, Atambua, bainhira ekipa hirak ne’e fila hosi Rejiaun Administrativa Enklave Oecusse-Ambeno (RAEOA).
Tuir informasaun ne’ebé G-NEWS asesu, segunda-feira kalan ne’e katak,, asidente ne’e akontese iha dalan entre ba diresaun Atambua villa no ba portu Atapupu mai diresaun Mota ain Timor Leste nian.
Tuir kronolojia akontesimentu, kazu asidente ne’e akontese iha tuku12 ka 13 meúdia, iha segunda-feira semana ne’e.
“Ami hosi Oekusi mai, atu ba Atambua. Sira forsa TNI Indonézia ne’e mak la respeitu trânzitu Indonézia nian ne’ebé akompaña uluk. Sira sasorut mai de’it ne’e. sira mak kawal ita hosi Wini mai”, hateten hosi fontes ida ne’ebé hamutuk ho ekipa mai.
Kareta ne’ebé Eis Prezidente Repúblika Taur Matan Ruak uza mak konsege kabetak hosi oin, maibé la rejulta ema ruma kanek.
Hafoin akontesimentu, autoridade seguransa normaliza hikas, no parte Komandante TNI Atambua nian hasoru malu ho Eis Prezidente Repúblika Taur Matan Ruak, ho ekipa hodi rejolve.
Depois ida ne’e, ekipa konsuladu Timor Leste iha Atambua tula fali Eis Prezidente Repúblika Taur Matan Ruak, ba fatin deskansa, no dadalia ho komandante sira TNI nian.
Iha konversa ne’e, Prezidente Repúblika Taur Matan Ruak, husu ba komandante TNI nian atu labele fó kastigu ka sansaun ruma ba membru forsa TNI nian, ne’ebé enfrenta asidente, hasoru ekipa ne’ebé hala’o viajen hosi Wini mai Atambua
Oras ne’e dadauk, delegasaun hosi Eis Prezidente Repúblíka Taur Matan Ruak nian, to’o ona iha Timor Leste dezde lorokraik oras Timor Leste, ho kondisaun di’ak.
Editór Testu : Amito Qonusere Araújo
loading="lazy" />