G-NEWS (DILI)- Ministériu Juventude desportu Arte no Kultura (MJDAK) apoiu motorizada 12, Laptop unidade-12, Printer-1 no Scanner-1 ba funsionáriu komisaun reguladora arte marsiais Nasionál, no sub komisaun reguladora arte marsiais munisípal, ne’ebé realiza iha areadores Ministériu Juventude desportu Arte no Kultura (MJDAK) Lecidere kinta-feira (16052023).
Ministru Juventude desportu Arte no Kultura Nélio Isaac Sarmento hateten, KRAM nia programa ne’e reforsa institusional hodi fasilita servisu funsionáriu KRAM Nasionál no Sub-KRAM munisípal, nune’e bele kontrola no fiskaliza diak ba atividade organizasaun arte marsiais.
“KRAM realiza programa ida ne’ee fas-parte ida, oinsá ita atu reforsa instituisaun ba preokupasaun públiku nian ba atividade arte Marsiais, tanba daudaun ne’e governu extende tan segundu suspensaun atividade arte marsial, espera katak neneik ema hotu-hotu bele haluha konflitu no haree nasaun nia futuru ba oin” Hateten Nelio Isaac Sarmento, ba Jornalista sira.
Prezidente Komisaun Reguladora Arte Marciais Octavio da Conceição hateten, matérial elektrónika no motorizada ne’ebé Ministru Juventude, desportu, Arte no Kultura apoiu ne’e naton ona atu bele hala’o servisu, hodi halo fiskalizasaun no monitorizasaun ba atividade organizasaun arte marsiais iha teritório nasionál.
“Seremónia entrega motorizada no matérial elektrónika sira ba funsionário KRAM nasionál no Sub-KRAM munisipiu sira, atu asegura servisu KRAM nian iha nasionál no munisipiu hodi kontrola, fiskaliza, superviziona, monitoriza atividade organizasaun arte Marsiais sira, iha munisipiu hotu-hotu. Material sira ne’e seidauk to’o maibé natoon ona atu bele halo servisu atendimentu entre organizasaun arte marsiais no mos ba joven sira iha munisípiu”, haktuir Prezidente KRAM.
Entertantu Orsamentu hodi sosa matérial hirak ne’e, hamutuk dollar $ 30.335.00
Jornalista : Martinho Belo
Editór Testu : Amito Qonusere Araújo
loading="lazy" />