G—NEWS (BAUCAU) — Komunidade hela iha postu Administrativu Laga Vila Munisipiu Baucau enfrenta problema bee-moos tanba debitu bee-menus.
Komunidade Maria Perreira hateten, dadaun ne’e bee-moos la sufisienste ba sira tempu bai-loron, obrigadu kuru iha mota no balun uza bee posu. Tanba ne’e husu governu liu-liu Bee Timor-Leste atu halo melloramentu sistema bee-moos ba sira.
˝Bee-moos bailoron maran hotu ami buka bee matan lima-lima foin kuru,” dehan Maria iha Laga Vila.
Administrador postu Administrativu Laga João Freitas Castro observa, bee-moos ba komunidade Laga vila seidauk sufisiente tanba fasilidade kanalizasaun maioria at halo debitu bee ki’ik.
Autoridade Postu Laga akresenta, servisu Bee Timor-Leste implementa ona projetu kanalizasaun bee-moos iha psotu Laga maibe seidauk finaliza.
“Autoridade nia observasaun presiza duni halo melloramentu tanba kanu sira kotu, komunidade sira kesi de’it ho boraxa bee mai to’o tanki rezervatoriu postu, maibé volume ladun forte, projetu hosi BTL iha inisiu tinan 2023 halo prefurasaun maibé progresu fïziku seidauk finaliza,” hateten Administradór Laga.
Liga ho asuntu ne’e, Koordenadora Bee-Timor-Leste Munisipiu Baucau seidauk fo komentariu tanba sei lisensa anuál.
Enkuantu komunidade Laga Vila enfrenta problema bee-moos hamutuk uma-kain 200 resin, kompostu husi aldeia rua hanesan Eu-wai, Butufalu, iha suku Soba no Saewataisi suku Samalari inklui edifisiu públiku.
loading="lazy" />