Liga kazu tiru; Falur husu militár sira labele patrulla tun-sae

G-NEWS (DILI) – Xefe Estadu Maiór Jenerál Forsas Armadas Tenente-Jenerál Falur Rate Laek, ba jornalista sira iha Serimónia aniversáriu sentru instrusaun Nicolau Lobato, segunda-feira (19022024) hateten, kazu tiru elementu F-FDTL hosi Komponente Naval Soldadu Abrão do Rego Smith laos ho intensaun.

“Ohh ba fiar fali tiru fali”, Tenente-Jenerál Falur Rate Laek, ko’alia ba Jornalista sira, Sentru Metinaro Instrusaun Metinaro.

Tenente-Jenerál Falur Rate Laek esplika, depois akontesimentu, nia parte tun kedal ba fatin akontesimentu hodi hakalma situasaun.

“Orseik (loron akontesimentu iha domingu madrugada) ha’u tun mai, ha’u mai haree kedas, ha’u hakalma situasaun, Ha’u telefone ba komisáriu, ha’u telefone ba diretór PCIC, ha’u telefone ba Ministru, par sira mai halo intervensaun par ita hala’o, aofim laos tiru mais deskuidu, laos pur intensaun tiru, buat ne’ebé ha’u simu, hautdu katak bala laos direita ba nia, kartus ne’e ba iha rai, rai mak nia rekuseti ne’e kona fali nia, no nia problema ho ema seluk fali, kala falla téknika ne’e mak saida oi’tuan, envesde ameasa ema ruma karik tiru sae ga, lae nia hakarak tiru tun fali ba rai, entaun bala kona, kona fali nia maluk”, Tenente-Jenerál Falur Rate Laek esplika ba Jornalista sira.

Ho kazu ne’e, Tenente-Jenerál fó ona ordem ba militár sira atu labele halo patrullamentu, liga kona-ba kazu ne’e.

“Ha’u hateten ona katak, prosesu amankan, halo prosesu tuir regulamentu ne’ebé iha, depois PCIC mós telefone fali ha’u dehan loos ona, kazu ita “tanggani” ona, husu apoiu par militár sira para labele halo problema”, Xefe Estadu Maiór Jenerál Forsa Armadas Tenente-Jenerál Falur Rate Laek esplika.

“Entaun ha’u fó ordem ba militár sira, labele ba patrulla tun-sae, ema PCIC mak bele lao”, Tenente-Jenerál Falur Rate Laek esplika liu tán.

Relasiona ho krítika hosi sosiedade Timor nian, Tenente-Jenerál Falur Rate Laek husu ba ba populasaun sira katak, instituisau F-FDTL hatene nia problema tanba tinan 24 ona, instituisaun laos sei labarik, no instituisaun ne’e maduru ona.

Editór Testu : Amito Qonusere Araújo