G-NEWS (DILI) – Iha loron tersa-feira, loron 23 fulan-Juñu 2026, tuku 6:00 dadeer OTL, iha Aeroportu Internasional Nicolau Lobato, Dili, mate isin EIs Prezidente RDTL, atuál Prezidente Partido FRETILIN Saudozu Francisco Guterres Lú-Olo, hosi Ospital ida iha Malázia, ho aviaun Aero Dili.
Komisaun funeral halibur ona nivel hotu-hotu sosiedade nian. Komisaun alerta ona ba Rezidente lokál, estudante no sosiedade sivil sira, funsionáriu públiku nonentidades hotu atu hein no akompaña nia mate isin husi aeroportu Internasionál Nicolau Lobato Comoro, ba nia rezidénsia iha Farol, Dili.
Governu da-IX dekreta períodu Lutu Nasionál durante loron hitu. Bandeira sira iha metade mastru iha nasaun tomak.
Iha Farol, área nakonu ho ai-funan. Ai-funan lori husi Instituisaun públiku no privadu sira. Tuir observasaun G-NEWS nian nota preparasaun lojístika ne’ebé prepara másimu ba nia to’o.
Saudozu Francisco Guterres Lú-Olo moris iha loron 7 fulan-Setembru tinan 1954, iha postu Ossu, munisípiu Viqueque. Ninia naran tempu funu nian, Lú-Olo, signifika manu-pombu.
Nia nu’udar gerrilleiru FALINTIL, prizioneiru polítiku, depois Prezidente Parlamentu Nasionál, no iha tinan 2017, hetan pose nu’udar Prezidente Repúblika ba dala-6. Durante tinan lima nia laran, nia guarda konstituisaun iha agilamentu polítiku. Hosi tinan 2017 to’o 2022. Eis-gerrilleiru ida ne’ebé hili atu sai guardiaun ba instituisaun.
Tuir informasaun ne’ebé G-NEWS rekolla katak, iha loron 26 fulan-Juñu tinan 2026, Saudozu Francisco Guterres Lú-Olo, sei haloot iha Jardim Herois da Pátria Metinaro, Dili.
Ekipa G-NEWS sei kontinua atualiza informasaun ba públiku to’o prosesu funerál.
loading="lazy" />