G-NEWS (DILI) — Tinan ruanulu-resin-lima hafoin destaka ba Timor-Leste, grupu ida hosi manutensaun pás Nova Zelándia nian fila fali ba nasaun ne’ebé agora koñesidu ho naran Timor-Leste nu’udar parte hosi dokumentáriu ida.
Veteranu sanulu-resin-lima hala’o viajen ba Timor Leste iha loron-sesta ne’e, akompaña hosi ekipa dokumentáriu ne’ebé halibur hela materiál ba projetu ida ne’ebé sei mai.
Organizadór viajen nian, Aaron Horrell, hatete katak, grupu ne’e inklui eis-komandante seksaun hosi soldadu Leonard Manning, ne’ebé mate iha emboska ida hosi milísia pró-Indonézia iha tinan 2000.
Nia hatete katak, insidente ne’e maka Nova Zelándia nia mortalidade kombate da-huluk dezde Funu Vietname, no lori ba uma risku sira ne’ebé maka hasoru manutensaun pás ONU nian.
Horrell hatete katak, grupu ne’e inklui eis membru ezérsitu, mariña, forsa aérea no ofisiál polísia ida, ne’ebé destaka hotu ba Timor Leste entre tinan 1999 to’o 2002.
Viajen ne’e hetan finansiamentu hosi Asosiasaun Servisu Retornu no Southland Community Trust.
Ema sira ne’ebé halo viajen ba Timor Leste mak ema sira ne’ebé iha ona istória signifikativu ne’ebé kobre internasionál durante sira-nia destakamentu, Horrell hateten.
Aprezentadór notísia antigu TV3 Mike McRoberts sei konta dokumentáriu no halo viajen ho grupu.
Grupu ne’e sei hela iha Timor Leste, iha loron 19 to’o 28 fulan Jullu.
Grupu ne’e planeia ba viajen ne’e remata ho McRoberts halo intervista ho Prezidente Timor Leste Jose Ramos-Horta no Primeiru Ministru Xanana Gusmão.
Fontes : RNZ.co.nz
Editór Testu : Amito Qonusere Araújo
loading="lazy" />