G—NEWS (BAUCAU) — Bispu Diocese Baucau, Dom Leandro Maria Alves prezide missa iha festa Maria Auxiliadora dos Cristãos, Padroeira Estação Missionária Ostico.
Iha selebrasaun ne’e mos Dom Leandro administra sakramento Konfirmasaun/Crisma ba catecúmeno na-in atus tolu resin.
“Ohin ita nia Inan nia festa, Maria Auxiliadora dos Kristaun. Ohin ita nia inan husu mai ita atu rona ita Na’i Jesus Cristo. No Jesus la iha liafuan seluk, ‘imi buka hadomi malu’. Jesus husu mai ita atu hadomi malu; hanesan Ostico oan ita buka hamoris no kontinua domin ne’ebé Jesus haruka”. Dehan Dom Leandro iha diskursu (24/05/2025).
“Ostico ne’e rai ida ne’ebé ita so’e buat ida (red, ai-horis) sempre moris no fuan. Maibé la’ós buras iha ai-han sira de’it maibé buras mos iha ita nia domin. Buka atu so’e (red, habelar) mos domin ba ita nia família no ba ema hotu-hotu. Nune’e rai mean Ostico ne’e bele transforma sai rai domin ninian ba ita nia maluk sira”. Explika Bispu.
Dom Leandro asentua, “hanesan ohin, ita buka atu rona ita Na’i Jesus Cristo ninia Liafuan; ‘Buka atu hadomi Malu’. Hamoris liafuan Cristo nian iha ita nia moris, hahú kedas hosi ita nia família atu nune’e ita bele hamoris sosiedade domin na’in tanba sosiedade ne’ebé buras iha domin, dezenvolvimentu mós la’o”.
Entaun “desenvolvimentu la la’o tanba sa? Tanba ita la hadomi malu, la perdua malu no la fó-liman ba malu. Ne’e duni dezenvolvimento ba Timor atu nabilan, buka hahú ho ita nia domin; hosi kedas ita nia Nai Ulun sira to’o ba sira sei ki’ik, atu nune’e Timor bele nabilan iha rai ne’e no mos iha Lalehan”. Hateten Bispu hodi hakotu diskursu badak.
Partisipa iha selebrasaun eucarístika ne’e, mai hosi: Vigário Forâneo Baucau, Pe. Benediktus Randung; no Klero, konselebrante sira, religioso/a, sarani quase paróquia Ossoqueli, paroquiano Vemasse, autoridade Sivíl no militar, Katecúmeno sira no grupu categorial sira.
loading="lazy" />