G-NEWS (DILI) – Primeiu Ministru Kay Rala Xanana Gusmão ho delegasaun, fila ona hosi forum ASEAN, iha Jakarta, Indonézia.
Sábadu (09092023), Iha aeroportu Internasionál Nicolau Lobato Comoro, Xanana Gusmão hateten, enkontru ho ASEAN ne’e diskute kona-ba investimentu, inklui kooperasaun bilateral entre Indonézia ho Timor Leste.
“Ohin foin fila, partisipa iha enkontru organizasaun ASEAN nian kona-ba investimentu ASEAN nian. Iha loron 24 loraik, ba hasoru ho Jokowi kona-ba bilateral, liu-liu kona-ba nia simu konvidadu sira ne’ebé konvidadu ba iha ne’ebá”, haktuir Xanana.
“Iha loron 5 hahú ona ASEAN summit, atu dehan katak, se mak servisu makaas kona-ba ASEAN nian, Ha’u hanoin kleur ona atu tama ASEAN. Ha’u tenke dehan katak ha’u ba aprende enkontru sira ne’e hotu, oinsa mak membru ASEAN sira buka hanoin hanesan, vizaun hanesan ho sira nia kbi’it ne’e, ko’alia hosi ekonómia to’o área oi-oin, kona-ba estabilidade, paz, Mudansa klimátika, kona-ba hahan sira ne’ebé afeta mundu, kona-ba kondisaun sira iha rejiaun laran”, Xanana haktuir.
Durante iha enkontru forum ASEAN nian, Primeiru-Ministru Xanana Gusmão admira “Saida mak Ha’u dehan katak, ha’u admira, rai sira ne’ebé bain-bain ita bolu doares, iha ne’ebá sira bolu konsellu. Iha ne’ebá, sira hotu ko’alia, ita bele dehan katak liberdade, atu temi problema sira ne’ebé mosu iha rejiaun, ne’ebé afeta relasaun entre doador sira, afeta mós ASEAN”, Xanana esplika.
Entretantu, Timor Leste nia polítika atu adere ba ASEAN hanesan ambisaun boot ida hosi entidades tomak, sosiedade sivil, no akadémiku sira tanba sei fó benefísiu ba investór sira atu halo investimentu iha rai-laran.
Jornalista : Ekipa G-News
Editór Testu : Amito Qonusere Araújo
loading="lazy" />