PNTL kaptura joven na’in 3 naok telemovel iPhone

149 Views

G—NEWS (DILI) —Autoridade seguransa, liuhosi Ekipa konjunta Aranha konsege deskobre rede ida hosi na’ok-teen adolexente sira ne’ebé na’ok iPhone sanulu resin, ho osan hamutuk liu US$5,800, iha Jaco Store, iha Aldeia 02, Suku Fatuhada.

Akontesimentu ne’e bolu atensaun públiku tanba autór sira ne’e joven de’it.

Tuir loja nain, vitima, Jacob Goveia Leite, servisu iha Jaco Store hamutuk ho nia maun na’in rua. Iha kalan molok akontesimentu, sira toba iha loja, maibé iha feriadu nasionál, sira fila ba uma.

“Loja na’in deklara babain vitima ho alin rua maka toba iha nee, hafoin loron bot fila ba uma maka ema naok lakon hotu hafoin suspeitu sira tama mai baku rahun CCTV iha tuku 4 madruga, uza aisuak hodi selok rolling door no tuku rahun etalase hodi foti iPhone 21 iha loja Jaco store ne’ebe lokaliza iha Aldeia 02 SUku Fatuhada, Postu Administrativu Dom Aleixo”.

Bazeia ba investigasaun, kazu naok ne’e akontese maizumenus tuku 4:00 dadeer. Autór sira estraga uluk kámara CCTV, hafoin uza tudik hodi loke odamatan, no baku rahun CCTV hodi na’ok sasán ne’ebé folin-boot.

Hafoin asaun lalais ne’e, autór sira halai sai hosi fatin akontesimentu, lori telemovel lubuk ida ho tipu oioin.

Loja na’in relata lakon unidade iPhone 21 hosi série oioin, inklui iPhone 8+, iPhone X, iPhone 11, iPhone 12, no iPhone 13.

Tuir mai ne’e maka detalle sira kona-ba sasán sira ne’ebé na’ok bazeia ba relatóriu inventáriu loja nian:

Modelu	Kapasidade	Totál	Folin unidade (USD)	Total (USD)
iPhone 8+	64 GB	2	170	340
iPhone 8+	256 GB	2	190	380
iPhone X	64 GB	2	210	420
iPhone X	256 GB	1	220	220
iPhone 11	128 GB	1	270	270
iPhone 12	256 GB	2	335	670
iPhone 12	128 GB	10	310	3,100
iPhone 13	256 GB	1	450	450