G—NEWS (BAUCAU) — Polisia Nasional Timor-Leste (PNTL), iha eskuadra postu Administrativu Laga Munisipiu Baucau, apresia juventude suku Tequinomata, tamba muda mentalidade sai ajente transformador iha setór agrikultura.
Komandante PNTL eskuadra Laga inspektór Xefe Duarte Belo “Soru” haktuir, iha tinan 2015 no 2016 joven Tequinomata halo polisia sempre preokupa, mabe dadaun ne’e muda mentalidade sai ajente transformador hodi involve an iha aktvidade setór agrikultura tamba ne’e apresia.
“Ha’u tuir bei-beik liu-liu hau nia joven sira Tequinoma, ikus mai ita hatudu dalan ba malu bele transforma an sai grupu agrikultór iha postu administrativu Laga hau nia agradese ba imi,” Komandante PNTL eskuadra Laga hato apresiasaun ne’e iha serimonia tomada posse estrutura Kooperativa Multi-sektoral Juventude Uaimui iha aldeia Bulubai suku Tequinomata (25/06/2025).
Duarte Belo ”Soru” husu administradór postu no xefe suku ualu seluk iha Postu Laga, atu eduka juventude sira seluk ne’ebé lakontinua estudu banati tuir joven Tequinomata sai ajente transformador hodi kontribui paz no estabilidade.
“Exemplu realidade hatudu (joven Tequinomata) suku ualu seluk nune’e joven seluk konsentra an la’os tuir iha estrada maibé tama toos no natar,”nia apela.
Enkuantu postu administrativu Laga suku hamutuk sia hanesan suku Atelari, Libagua, Nunira, Saelari, Sagadate, Samalari, Soba, Ueru-mata no Tequinomata.
loading="lazy" />