G-NEWS (DILI) – Governu ho Parlamentu Nasionál hahú diskute ona proposta Orsamentu Jerál Estadu (OJE) tinan 2025, liuhosi diskusaun iha jeneralidade ba Proposta Lei n.o 12/VI (2a).
Proposta OJE 2025 ho total osamentu hamutuk dólar amerikanu bilaun 2.6 biloens ne’ebé fahe ba Saláriu no Vensimentu $ 474,988,165 millões, Bens no Servisus $392,892,297 millões, Transferénsias Públikas $ 762,755,046 millões, Kapital Menor $22,566,932 millões, no Kapital Dezenvolvimentu $419,778,560 millões.
Hafoin ida-ne’e, Primeiru-Ministru, Kay Rala Xanana Gusmão, aprezenta proposta OJE 2025 nian, ne’ebé sita prioridade sira iha proposta OJE refere ne’ebé sei implementa iha tinan 2025.
Proposta OJE 2025 ho total osamentu hamutuk dólar amerikanu bilaun 2.6 biloens ne’ebé fahe ba Saláriu no Vensimentu $ 474,988,165 millões, Bens no Servisus $392,892,297 millões, Transferénsias Públikas $ 762,755,046 millões, Kapital Menor $22,566,932 millões, no Kapital Dezenvolvimentu $419,778,560 millões.
João Barreto, rezidente Becora, ko’alia ba G-NEWS, kinta-feira (07112024) katak, ho orsamentu ne’ebé governu propoin ba Parlamentu Nasionál hodi aprova, sei fó benefísiu ba dezenvolvimentu nasionál, no hadia povu nia moris.
“Ha’u espera orsamentu ne’ebé governu diskute iha Parlamentu Nasionál, espera bele halo dezenvolvimentu nasionál no hadia tiha povu nia moris, liu-liu problema estrads, bee mós no eletrisidade”, João Barreto, ko’alia ba G-News.
Negosiante produtu lokál merkadu Manleua Etelvina Mendonça ko’alia fó esperansa ba governu ne’ebé lídera hosi Primeiru-Ministru Kay Rala Xanana Gusmão, atu tau matan ba problema sosiál ne’ebé akontese, liu-liu hadia kondisaun negósiu negosiante ki’ik sira.
“Ita espera Avo Nana, bele hadia ami sira faan sasan iha merkadu lokál sira, nune’e ami bele hetan netik osan oituan hodi hadia ami nia moris, no atende ba oan sira nia eskola, hahan no nesesidade seluk tán”, Etelvina Mendonça ko’alia ba G-News, kinta-feira (07112024).
Estudante akadémiku UNTL Martinho Lopes ko’alia ba G-NEWS, kinta-feira (07112024) katak, ho orsamentu ne’ebé governu propoin bele tau atensaun ba dezenvolvimentu no hadia moris di’ak povu nian.
Nia dehan, governu tenke fó prioridade ba infra estrutura edukasaun, saúde liu-liu aimoruk ne’ebé menus durante ne’e, no setór seluk ne’ebé durante ne’e la iha mudansa signifikativu.
“Ho orsamentu Jerál Estadu tinan 2025 montante Dollares Amerikanu 2.6 Billoens, labele gasta arbiru, maibé tenke fó prioridade ba problema sira ne’ebé públiku kestiona, hanesan aimoruk la iha, meja no kadeira menus ina eskola sira iha munisípiu liu-liu área remota, kondisaun estrada prioridade seluk tán”, Estudante ne’e ko’alia ba G-NEWS.
Martinho Gomes, joven ida hela iha Fatuhada, ne’ebé G-NEWS hasoru iha Kuartél-Jeneral F-FDTL Fatuhada nia oin, kinta-feira ne’e katak, nia fó ninia esperansa ba governu atu tau prioridade ba dezenvolvimentu nasionál, liuhosi orsamentu ne’ebé agora dadauk diskute iha Parlamentu Nasionál.
“Ita fiar ba Governu agora, atu hadia povu nia moris iha tinan oin”, Martinho Gomes.
Hafoin aprezentasaun proposta, Komisaun C ne’ebé trata assuntu Finansas Publikas aprezenta relatóriu no pareser Komisaun nian kona-ba Proposta OJE 2025 nian.
Iha intervensaun Bankada Parlamentar sira nian, Deputadu sira kestiona problema sira kona-ba prosesu dezenvolvimentu iha área edukasaun, saúde, infraestrutura básika, no área importante sira seluk, ne’ebé presiza hetan resposta husi Governu.
Editór Testu: Amito Qonusere Araújo
loading="lazy" />