G-NEWS (RAEOA) — Prezidente Repúblika José Ramos Horta, iha Rejiaun Administrativa Espesiál Oecusse-Ambeno (RAEOA) husu atu hala’o ona reforma administrative no kombate korupsaun.
Prezidente José Ramos Horta, ko’alia hirak ne’e, iha nia diskursu ofisial loron nasionál Proklamaasaun Independénsia 28 Novembru ba dala-49, kinta-feira semana ne’e
Ramos Horta dehan, objetivu halo reforma ne’e atu hametin efikasia no efisiénsia administrasaun públiku nian.
“Investe iha edukasaun no formasaun ita-nia sidadaun sira-nian esensiál tebes atu hametin efikásia no efisiénsia administrasaun públika nian, liuliu iha kompromisu atu kombate burokrasia no korrupsaun, kondisaun fundamentál hodi estabelese filafali konfiansa povu nian iha ita-nia instituisaun sira”, PR Ramos Horta esklarese.
Tuir Prezidente Horta katak, estadu nia dever atu garante katak rekursu hotu-hotu Estadu nian uza ba populasaun nia di’ak, ho transparénsia no responsabilidade.
Objetivu ida-ne’e depende, husi parte ida, husi kapasitasaun kontínua ba estadu nia rekursu umanu sira no, husi parte seluk, husi investimentu boot ida iha simplifikasaun no dijitalizasaun prosesu administra- tivu sira, konfome estabelese ona iha metas Governu Eletróniku (e-Government).
Implementasaun prosesu eletróniku sai urjente iha kontestu rejionál no inter- nasionál, iha-ne’ebé uza intelijénsia artifisiál, robótika no teknolojia foun sira ba komunikasaun dadus, pagamentu no transferénsia finanseira hakbesik sidadaun sira ba servisu no assegura agilidade boot liu iha prosedimentu no desizaun sira.
Editor Testu: Amito Qonusere Araújo
loading="lazy" />