G-NEWS (DILI) – Prezidente Repúblika,ohin dader, iha oras 11:00, iha sentru votasaun Eskola Primária Filial Metiaut, Aldeia 17 de Abril, Suku Metiaut, Postu Administrativu Cristo Rei, Munísipiu Díli, sábadu (28/10)
Tuir komunikadu imprensa ne’ebé G-News asesu, Sábadu (28102023), Prezidente iha esperansa bo’ot atu maioria feto mak eleitu sai Xefe Suku no tuir kampaña ne’ebé mak durante ne’e nia halo atu bele vota ba feto “Se feto barak mak eleitu ha’u kontenti loos, ne’e hatudu timoroan sira-nia maturidade”, hateten Xefe Estadu iha ámbitu votasaun Lideransa Suku ninian.
Xefe suku ne’ebé iha agora dadauk kuaze 90% mane no ida ne’e, la signifika katak mane la di’ak, maibé tuir Xefe Estadu presiza halo balansu jenéru no fó fiar mós ba feto atu bele lidera.
Prezidente mós hanoin hodi sujere ba Governu atu oinsá bele ajuda hadi’a netik Xefe Suku sira-nia uma, hadi’ak mós Sede Suku no halo Sentru Komunitáriu ida kada Aldeia.
Observasaun iha terenu Prezidente Ramos-Horta haree katak komunidade sira-nia partisipasaun iha sentru votasaun barak liu fali kompara ho votasaun Parlamentar foin lalais.
Prezidente Horta rekomenda ba Governu liu-liu parte kompetente atu ba Futuru tau matan mós ba ferik, katuas, liu-liu ema ho kondisaun defisiente sira. Xefe Estadu mós apela ba Xefe Suku sira ne’ebé eleitu depois bele servisu badinas ho laran atu bele hadi’a sira-nia suku laran.
Jornalista : Mídia PR
Editór Testu : Amito Qonusere Araújo
loading="lazy" />