G-NEWS (RAEOA) — Padre Parokia Igreja Nosa Senhora Do Rosario Igreja Numbei, Júlio do Carmo akompaña husi Prezidente Komite 12 Novembru Rejiaun Administrativa Espesiál Oé-Cusse Ambeno (RAEOA) Domingos de Almeida no Konsellu Veteranu Oé-Cusse Jeferinu da Cruz Sa’u, hadame ona protokolu Prezidente Autoridade RAEOA Aquito Roxaca Guterres no jornalista Ajénsia Noticioza Timor-Leste, Institutu Públiku (Tatoli,I.P) Abílio Elo Nini.
Seremónia hadame malu realiza iha ámbitu kalan reflesaun 12 Novembru iha Sentru Juventude Rejiaun Oé-Cusse (CJRO, sigla portugés), segunda kalan ne’e.
Padre Parokia Igreja Numbei, Júlio do Carmo, orgullu tanba loron 12 Novembru mak loke dalan ba ukun rasik iha 1991. Loron 12 fulan-Novmebru 2024 lori mós laran malirin no ne’on ksolok ba ema hotu tanba buat ruma ne’ebé akontese iha pasadu, nu’udar ema normál emosaun sempre iha.
Ne’ebé buat hirak-ne’e dalaruma ita la sadar no la kontrola ikus mai mosu buat ruma, maibé bainhira sadar fila-fali hado’ok buat sira-ne’e folin la’ek, laiha buat ida ne’ebé ita hirus malu maibé buat foun la mosu ida.
“Ne’ebé sira-na’in rua hili hakarak di’ak no simu malu, ita agradese fó apresisaun ba sira, agradese tanba sira-mós bele deside hodi kria fali amizade relassaun ne’ebé di’ak. Ohin kalan ita iha ne’e sai sasin ba sira na’in-rua ninia simu malu, espera ba oin buat hirak-ne’e hotu sai hanesan istória ida, hodi hanoin katak buat ida hirus malu ne’e ladi’ak ida, entaun ohin ita hadi’a ba oin bele sai amizade belun ida-ne’ebé di’akliu-taan,” Padre Júlia ko’alia iha ámbitu ne’e.
Saserdote ne’e, husu nu’udar timoroan persiza tan ne’e malu no hadomi atu kuda hanoin di’ak iha kakutak, nune’e bele kontribui ba prosesu dezenvolvimentu nasaun nian.
“Parabens, ita hotu sai sasin ba sira na’in-rua ninia dame malu no simu malu nu’udar maun alin iha família ida nu’udar ema timoroan,” Padre Júlio hateten.
Rekorde katak, antes ne’e iha inisíu fulan Juñu, mosu dezentednimentu entre Jornalista Ajénsi Notisioza Tatoli, I.P, Abílio Elo Nini ho protokulu PA RAEOA iha otél Ambeno iha selebrasaun asina akordu entre Autoridade RAEOA ho Timor-Aid.
Maibé iha ámbitu ne’e akontese mis-komunikasaun nune’e akontese dala malu no parte rua tenta halo agresaun fíziku. Akontesimentu ne’e halo Asosiasaun Jornalista, Konsellu Imprensa, Parlementu Nasionál no Prezidente Repúblika kondena aktu ne’ebé akontese tanba tenta impede servisu jornalizmu iha terrenu.
Editór Testu: Amito Qonusere Araújo
loading="lazy" />