Refleksaun Juventude Iha Komemorasaun loron Nasional Veteranos

G-NEWS (DILI) – Hanoin ida ne’e responsábiliza hosi hakerek-na’in, no redasaun G-News responsabiliza ba públikasaun.

Nudar Joven Ida hanoin katak, Historikamente loron 03 De Marco mak loron Ida mos sagradu tamba iha nebe Asuwain Sira mantein kontinua luta hasoru Inimigu Indonesia liu husi desizaun konferensia Nasional nebe hala’o husi Aman Veteranos Sira hodi luta to’o 1999. Reflete passadu no Observa ohin loron katak hafoin Ita liberta Patria, ohin loron Ita persija kontinua liberta povu iha nbe Timor Leste ukun an tinan 20 ona no Komemorasaun loron Veteranos ba Dala VII.

Tan ne’e mak ba tinan ida ohin hanesan espasu pozitivu Ida ba ami foin sa’e sira hodi hato’o ba Aman Veteranos Sira katak ho tema ” Juntos Marcaremhos Para O Futuro ” atu Aman sira kontinua hamutuk iha ambitu interese Nasional sira hodi kontinua sai ezemplu ba ami jerasaun foun sira nudar kultura ida atu ami kontinua halo tuir ba futuru rai doben ne’e nian, maske demokratikamente ida – idak mai ho diferensia dalan iha ambitu dezenvolvimentu maibe objetivu ida de’it, mak haburas demokrasia, atu liberta povu sai husi ki’ak no mukit.

Timor Leste sai ona Estado De Democratico ida mak hanaran Republika Demokratika Timor Leste ( RDTL ) ne’ebe opta sistema semi prezidensial nudar dalan ba Libertasaun Povu husi ki’ak no mukit liu husi Orgaun soberania 4 mak Prezidente Republika, Parlamentu Nasional, Governo no Tribunal Rekusu, iha ne’ebe Ida – Idak hala’o Nia kna’ar tuir atribuisaun husi Konstituisaun nian. Iha Periodu ukun an kuaze Maun – Alin Veteranos mak ukun troka malu liu husi Eleisaun, iha nbe rezolve ona buat barak no buat barak Persija rezolve tan, nune’e mak Persija tebes koopera malu husi entidade hotu – hotu hodi bele lori povu Timor Leste ba prosperidade.

Ho nunee mak, Timor Leste tenke iha espasu barak ba foin sa’e sira atu aprende hodi bele dezenvolve rai Ida ne iha futuru, nudar valorizasaun ida ba Aman Veterano sira. Tamba ( oan no bei oan) sira iha rai laran mak aban bai rua sei foti Veteranos sira nia oin,liu husi sira konhesimentu ne’ebe iha hodi aplika ba  dezenvolvimentu sustentavel nasaun no povu nia moris di’ak. Ne mak Valor ne’ebe bo’ot tebes ba Aman Veteranos no ba Estado RDTL  iha futuru.

“VETERANOS NIA HAMUTUK MAK JOVEN NIA ESPERANSA”.

Parabens ba Aman Veterano sira hotu no Boa Saudades I Beijos Ba Aman Veterano sira hotu.

Husi :

Calistro Horacio Dos Santos ( Juventude)