G—NEWS (INTERNASIONAL) — Unidade Vijilánsia Estranjeiru (POA) Unidade Intelijénsia Polísia Timor Sentrál Norte (TTU) halo monitorizasaun ba paradeiru ema estranjeiru hosi Xinés na’in rua ne’ebé hela iha otél ida iha Sidade Kefamenanu, Rejénsia TTU, NTT.
Xinés na’in rua ne’e maka Li Shenger (46) no Lin Jingwei (36). Sidadaun Xinés na’in rua ne’e koñesidu aluga armajen ida ne’ebé emprezáriu ida mak na’in iha Kefamenanu, TTU.
Unidade POA hosi Unidade Intelijénsia Polísia TTU simu informasaun hosi Alfándega/Imigrasaun Atambua katak sidadaun Xina na’in rua ne’e koñesidu hala’o atividade ilegál liuhosi fa’an sigarru ilegál ne’ebé rai iha armajen.
Iha Kuarta-feira, loron 10 fulan-Dezembru 2025, Unidade POA Polísia TTU nian akompaña buska ida hosi Alfándega no Acise Atambua iha armajen 9 Jaya ne’ebé lokaliza iha Jalan Kemiri, Kefamenanu Tengah, TTU.
Iha armajen, hetan sigarru Marlboro ilegál hamutuk 1,109, ne’ebé hamosu lakon totál estadu nian maizumenus biliaun 18-20 rupiah.
Xefe Intelijénsia, Primeiru Inspetór Suparjo, rekoñese katak Unidade POA halo monitorizasaun ba ema estranjeiru na’in rua ne’e dezde fulan Novembru 2025.
“Hosi investigasaun, ami hetan informasaun kona-ba atividade ilegál sira ne’ebé maka hala’o hosi sidadaun xinés na’in rua,” nia afirma.
Fornese hosi Timor Leste
Sigaru ilegál hirak ne’e fornese hosi ema Xina na’in rua hosi Timor Leste.
“Sigaru ilegal ne’e konfiska hosi ema estranjeiru (na’in rua) ne’ebe tama liu hosi Timor Leste,” nia dehan.
Sidadaun Xinés na’in-rua ne’e maka Li Shenger (46), titulár ho númeru pasaporte EL9647900, no Lin Jingwei (36), titulár ho númeru pasaporte EQ6415527.
Sidadaun Xineza na’in-rua ne’e iha vistu vizita/turístiku no sai hosi Timor Leste.
Aleinde sidadaun Xinés na’in rua ne’e, ofisiál sira mós prende sigarru ilegál lubuk ida iha Belu noTTU, inklui sigarru Marlboro Gold, Marlboro Red, no sigarru marka Xinés Yun Yan.
Iha armajen, hetan farda 1,109 hosi sigarru ilegál Marlboro nian, ho totál lakon estadu nian ne’ebé kalkula iha Rp18-20 biliaun.
loading="lazy" />