G-NEWS (DILI) – Diresaun-Jerál Servisu Migrasaun (SM) deporta sidadaun estranjeiru na’in-12 hosi Indonézia tanba viola lei Migrasaun Aziliu, hodi uza sala vistu turista, hala’o fali atividade profesional iha Timor-Leste.
Tuir nota ne’ebé informative ne’ebé G-NEWS asesu, iha kuarta-feira (05062024) ne’e katak, sidadaun estranjeiru hosi Indonézia, na’in-12 durante ne’e hela iha Suai Munispiu Covalima, uza vistu turista hodi hala’o atividade faan sasan hanesan, ropa, elektroniku, badaen no seluk-tán.
Relasiona ho utilizasaun vistu turista sala, hodi hala’o atividade negósiu no seluk-tán, nune’e iha loron 03 fulan-Juñu tinan 2024, Komandu Polisia Munisípiu Covalima, hamutuk ho Servisu Migrasaun, halo operasaun, no konsege identifika sidadaun hirak ne’e, no halo kedas auto entrega, no transfere mai Dili hodi loke prosesu ba sidadaun estranjeiru hirak ne’e.
Hafoin konklui prosesu investigasaun, Diresaun Jeral Servisu Migrasaun notifika sidadaun hirak ne’e, kontra ona Lei Migrasaun no Azilu tuir artigu 143, ne’ebé ko’alia kona-ba violasaun vistu.
Nune’e ne’e Servisu Migrasaun Timor-Lesta, hetan despaixu final hosi Ministériu Públiku ne’ebé foti desizaun hodi halo prosesu abandonu voluntáriu no entrega ba Embaixada Indonézia hodi haruka sai hosi territóriu nasionál, fila fali ba sira nia nasaun orijen.
Jornalista : SRP
Editór Testu : Amito Qonusere Araújo
loading="lazy" />