G-NEWS (DILI) – Suspeitu kazu tiru membru F-FDTL hosi komponente Naval Soldadu Abrão do Rego Smith, iha estrada bo’ot, Lequintai, Padeiros nia oin ho inisial AM, entrega an on aba autoridade investigasaun Polísia.
Tuir informasaun ne’ebé G-News asesu, maijumenus iha tuku 13 oras meúdia, suspeitu entrega an ba iha Departamentu Investigasaun Kriminal (DIC_sigla portugés) no hetan akompaña hosi Servisu Informasaun Polísia (SIP) hodi hala’o prosesu.
Tuir nota ne’ebé G-News hetan hosi fontes konfiavel iha instituisaun seguransa informa ba G-News, Domingu (18022024) katak, suspeitu maihosi Instituisaun Polísia Nasional Timor Leste (PNTL) hosi Unidade Espesial Polisia ho inisial AM entrega an kedas ba iha autoridade seguransa Departamentu Investigasaun Kriminal DIC_sigla portugés) hodi submete ba iha prosesu investigasaun.
“Hafoin iha tuku 13 maijumenus oras meúdia suspeitu entrega an ba iha DIC no hetan akompaña hosi SIP hodi hala’o prosesu. Suspeitu dadaun ne’e iha ona sela detensaun komandu munisipiu Dili hodi hein prosesu tuir lei neebe iha”, fontes konfiavel ne’e informa ba G-News.
Dadaun ne’e oknum refere, kumpre ona sela durante oras hitu nulu resin rua, iha sela detensaun Komandu Polísia munisípiu Dili, molok apresenta an ba iha julgamentu primeiru interogatóriu iha Tribunal Instânsia munisïpiu Dili.
Entertantu, iha Domingu (18022024) iha tuku 05.00 madrugada, ema deskoñesidu tiru membru forsa armada hosi komponente Navál ho identidade Soldadu Abrão do Rego Smith, iha área Lequintai, Padeiros nia oin.
Tuir informasaun ne’ebé G-News asesu katak, depois akontesimentu, departamentu operasaun hosi Forsa Armada nian simu informasaun hosi fontes sekreta no unidade Polísia Militar.
“Iha tuku 05:20 dadersan, Departamento Operasaun simu informasaun husi fontes Sekreta no Unidade Polísia Militar katak, iha ema deskoñesidu ida uza kareta Hilux, kor Mutin, vidru Metan, chapa matrícula lá moos, tiru membro F-FDTL Fuzileiros-Naval nain ida iha Estrada bo’ot, Lequintai, Padeiros nia oin”, hosi fontes ne’ebé G-News, asesu iha domingu (18022024).
Editór Testu : Amito Qonusere Araújo
loading="lazy" />